ರಿಯಾಲಿಟಿ ಶೋ ಖ್ಯಾತಿಯ ಗೂಡಿ ನಿಧನ

ಲಂಡನ್, ಮಾ. 22 : ಜನಾಂಗೀಯ ನಿಂದನೆ ಮಾಡುವ ಮೂಲಕ ಅಪಖ್ಯಾತಿ ಗಳಿಸಿದ್ದ ಖ್ಯಾತ ನಟಿ ಜೇಡ್ ಗೂಡಿ ನಿಧನ ಹೊಂದಿದ್ದಾರೆ. 27ರ ಹರೆಯ ಅವರು ಭಾನುವಾರ ಅಪ್ ಶೈರ್ ನಲ್ಲಿರುವ ಎಸೆಕ್ಸ್ ನ ನಿವಾಸದಲ್ಲಿ ಕೊನೆಯುಸಿರೆಳೆದರು ಎಂದು ಅವರ ವಕ್ತಾರ ಮ್ಯಾಕ್ಸ್ ಕ್ಲಿಪರ್ಡ್ ತಿಳಿಸಿದ್ದಾರೆ.

ಕಳೆದ ಕೆಲ ದಿನಗಳಿಂದ ಸರ್ವಿಕಲ್ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಅವರಿಗೆ ಪಶ್ಚಿಮ ಲಂಡನ್ ನ ರಾಯಲ್ ಮಾರ್ಸಡೆನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಅವರ ತಮ್ಮ ಕೊನೆಯ ದಿನಗಳಲ್ಲಿ ಕುಟುಂಬದ ಜೊತೆ ಕಾಲ ಕಳೆಯಬೇಕು. ತಮ್ಮ ನಿವಾಸದಲ್ಲಿಯೇ ಪ್ರಾಣ ಬಿಡಬೇಕು ಎಂದು ತಿಳಿಸಿದ್ದರು. ಜೇಡ್ ಗೂಡಿ ಗಂಡ ಜಾಕ್ ಟ್ವಿಡ್ ಹಾಗೂ ಇಬ್ಬರು ಮಕ್ಕಳಾದ ಬಾಬ್ಬಿ (6) ಮತ್ತು ಪ್ರೇಡ್ಡಿ (4) ಯನ್ನು ಅಗಲಿದ್ದಾರೆ.

ಲಂಡನ್ ಕಿರುತೆರೆಯಲ್ಲಿ ಆಯೋಜಿಸಿದ್ದ ರಿಯಾಲಿಟಿ ಶೋದಲ್ಲಿ ಭಾಗವಹಿಸಿದ್ದ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಅವರಿಗೆ ಜನಾಂಗೀಯ ನಿಂದನೆ ಮಾಡಿ ತೀವ್ರ ಟೀಕೆ ಟಿಪ್ಪಣಿಗಳಿಗೆ ಒಳಗಾಗಿದ್ದರು.

(ದಟ್ಸ್ ಕನ್ನಡ ವಾರ್ತೆ)