ಪೋಸ್ಟ್ ಇಂಟೆಲಿಜೆನ್ಸರ್ ಪತ್ರಿಕೆಯ ಮುದ್ರಣ ಸ್ಥಗಿತ

ನ್ಯೂಯಾರ್ಕ್, ಮಾ. 18 : ಅಮೆರಿಕದ 146 ವರ್ಷ ಹಳೆಯದಾದ ಹಾಗೂ ಅತಿ ಹೆಚ್ಚು ಪ್ರಸಾರ ಹೊಂದಿರುವ ಪ್ರಸಿದ್ಧ 'ಪೋಸ್ಟ್ ಇಂಜೆಲಿಜೆನ್ಸರ್' Post-Intelligencer (P-I) ಪತ್ರಿಕೆಯ ಮುದ್ರಣವನ್ನು ಗುರುವಾರದಿಂದ ಸ್ಥಗಿತಗೊಳಿಸಲು ನಿರ್ಧರಿಸಲಾಗಿದ್ದು, ಮುಂದಿನ ದಿನಗಳಲ್ಲಿ Seattlepi.com ಆನ್ ಲೈನ್ ಪುತ್ರಿಕೆ ಎಂದಿನಂತೆ ಕಾರ್ಯನಿರ್ವಹಿಸಲಿದೆ ಎಂದು ಹೆರ್ಸ್ಟ್ ಕಾರ್ಪೋರೇಶನ್ ತಿಳಿಸಿದೆ.

ಹೆರ್ಸ್ಟ್ ಕಾರ್ಪೋರೇಶನ್ ನ ಉಪಾಧ್ಯಕ್ಷ ಹಾಗೂ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಫ್ರಾಂಕ್ ಎ ಬೆನ್ಯಾಕ್ ಜ್ಯೂನಿಯರ್ ಇಂದು ಪತ್ರಿಕಾಗೋಷ್ಠಿ ನಡೆಸಿ ಈ ವಿಷಯ ಸ್ಪಷ್ಟಪಡಿಸಿದ್ದು, ಅಮೆರಿಕದಲ್ಲಿ ಅತೀ ಹೆಚ್ಚು ಪ್ರಸಾರ ಹೊಂದಿರುವ ಪೋಸ್ಟ್ ಇಂಟೆಲಿಜೆನ್ಸರ್ ಪತ್ರಿಕೆಯ ಮುದ್ರಣವನ್ನು ಸ್ಥಗಿತಗೊಳಿಸುವುದು ನೋವಿನ ಸಂಗತಿ ಆಗಿದೆ. ಆದರೆ, ಕಂಪನಿಯೂ ಕೆಲವು ವರ್ಷಗಳಿಂದ ಸಂಕಷ್ಟದಲ್ಲಿರುವ ಹಿನ್ನೆಲೆಯಲ್ಲಿ ಈ ನಿರ್ಧಾರ ಬರಲಾಗಿದೆ. ಮುದ್ರಣದ ಅಂತಿಮ ಪತ್ರಿಕೆ ನಾಳೆ ಹೊರಬರಲಿದೆ ಎಂದು ಸ್ಪಷ್ಟಪಡಿಸಿದರು.

Seattlepi.com ಆನ್ ಲೈನ್ ಪುತ್ರಿಕೆಯನ್ನು ಹೊಸ ವಿನ್ಯಾಸದಲ್ಲಿ ಹೊರತರಲು ತೀರ್ಮಾನಿಸಲಾಗಿದೆ. ಈ ವೆಬ್ ಸೈಟಿನಲ್ಲಿ ಎಲ್ಲ ಬಗೆಯ ವಿವರಗಳು ಒಳಗೊಂಡಿರುತ್ತವೆ ಎಂದ ಫ್ರಾಂಕ್ ವಿವರಿಸಿದರು.

(ದಟ್ಸ್ ಕನ್ನಡ ವಾರ್ತೆ)