ಮೊದಲ ಟೆಸ್ಟ್ ನ್ಯೂಜಿಲೆಂಡ್ 279ಕ್ಕೆ ಆಲೌಟ್

ಹ್ಯಾಮಿಲ್ಟನ್, ಮಾ. 18 : ಒಂದು ಹಂತದಲ್ಲಿ 60 ರನ್ ಗಳಿಗೆ ಆರು ವಿಕೆಟ್ ಕಳೆದುಕೊಂಡು ತೀವ್ರ ಸಂಕಷ್ಟಕ್ಕೆ ಸಿಲುಕಿದ್ದ ನ್ಯೂಜಿಲೆಂಡ್ ತಂಡಕ್ಕೆ ನಾಯಕ ಡೇನಿಯಲ್ ವೆಟ್ಟೋರಿ ಮತ್ತು ರೈಡರ್ ಆಸರೆಯಾಗಿ ಏಳನೇ ವಿಕೆಟ್ ಜೊತೆಯಾಟದಲ್ಲಿ 186 ರನ್ ಪೇರಿಸಿ ಒಟ್ಟು 279 ರನ್ ಗಳಿಗೆ ಆಲೌಟ್ ಆಗುವ ಮೂಲಕ ಗೌರವಾನ್ವಿತ ಮೊತ್ತ ದಾಖಲಿಸಿತು. ದಿನದ ಆಟದ ಅಂತ್ಯಕ್ಕೆ ಭಾರತ ವಿಕೆಟ್ ನಷ್ಟವಿಲ್ಲದೆ 29 ರನ್ ಗಳಿಸಿದೆ.

ಟಾಸ್ ಗೆದ್ದು ಫೀಲ್ಡ್ ಆಯ್ದುಕೊಂಡ ಭಾರತ ಮೊದಲಿಗೆ ನ್ಯೂಜಿಲೆಂಡ್ ತಂಡವನ್ನು ನಿಯಂತ್ರಿಸುವಲ್ಲಿ ಯಶಸ್ವಿಯಾದರೂ ವೆಟ್ಟೋರಿ ಮತ್ತು ರೈಡರ್ ಅವರ ಜೊತೆಯಾಟದ ಮುಂದೆ ಮಂಕಾಯಿತು. ವೆಟ್ಟೋರಿ 118 ಮತ್ತು ರೈಡರ 102 ರನ್ ಗಳಿಸಿ ತಂಡದ ಮಾನ ಕಾಪಾಡಿದರು. ಭಾರತದ ಪರ ಇಶಾಂತ್ ಶರ್ಮ 4, ಮುನಾಫ್ ಪಟೇಲ್ 3, ಜಹೀರ್ ಖಾನ್ 2 ಮತ್ತು ಹರಭಜನ್ ಸಿಂಗ್ 1 ವಿಕೆಟ್ ಪಡೆದರು.

(ದಟ್ಸ್ ಕನ್ನಡ ವಾರ್ತೆ)