ಲೋಕಸಭೆ ಚುನಾವಣೆಗೆ ಜೈಹೋ ಹಾಡಿನ ಹಕ್ಕು ಕೈಗೆ

ನವದೆಹಲಿ, ಮಾ. 4 : ಲೋಕಸಭೆ ಚುನಾವಣೆಯಲ್ಲಿ ಯುವಜನತೆಯ ಮತಗಳನ್ನು ತನ್ನತ್ತ ಸೆಳೆದುಕೊಳ್ಳಲು ಕಾಂಗ್ರೆಸ್ ನೂತನ ತಂತ್ರ ಅಳವಡಿಸಿಕೊಳ್ಳಲು ನಿರ್ಧರಿಸಿದೆ. ಇತ್ತೀಚೆಗೆ ಜಾಗತಿಕ ಮಟ್ಟದ ಪ್ರತಿಷ್ಠಿತ ಪ್ರಶಸ್ತಿ ಎನಿಸಿರುವ ಆಸ್ಕರ್ ಪ್ರಶಸ್ತಿಯನ್ನು ಗಳಿಸಿರುವ ಜೈ ಹೋ...... ಹಾಡಿನ ಹಕ್ಕನ್ನು ಖರೀದಿಸಿದ್ದು, ಚುನಾವಣಾ ಪ್ರಚಾರ ಆಳವಡಿಸಲು ತೀರ್ಮಾನಿಸಿದೆ. ಸಂಗೀತ ಮಾಂತ್ರಿಕ ಎಆರ್ ರೆಹೆಮಾನ್ ಸಂಗೀತ ನಿರ್ದೇಶನದ ಈ ಹಾಡಿನ ಹಕ್ಕನ್ನು ಟಿ ಸಿರೀಸ್ ಕಂಪನಿಯಿಂದ ಖರೀದಿಸಲಾಗಿದೆ ಎಂದು ಕಾಂಗ್ರೆಸ್ ಮೂಲಗಳು ತಿಳಿಸಿವೆ.

ಲೋಕಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷದ ಸಾಧನೆ ಪ್ರತಿ ನಾಗರಿಕನಿಗೂ ತಲುಪುವ ಉದ್ದೇಶದಿಂದ ರೆಹಮಾನ್ ಅವರ ಆಸ್ಕರ್ ಪುರಸ್ಕೃತ ಹಾಡನ್ನು ಚುನಾವಣೆ ಪ್ರಚಾರಕ್ಕೆ ಬಳಸಿ ಮತ ಗಳಿಸುವ ವಿನೂತನ ತಂತ್ರ ಹೂಡಿದೆ. ಮುಖ್ಯವಾಗಿ ಯುವಜನತೆ ಮೇಲೆ ಕಣ್ಣಿಟ್ಟಿರುವ ಕಾಂಗ್ರೆಸ್ ಸ್ಲಂ ಡಾಗ್ ಮಿಲಿಯನೇರ್ ಚಿತ್ರದ ಜೈ ಹೋ... ಹಾಡಿನ ಹಕ್ಕನ್ನು ಖರೀದಿಸಿದೆ ಇದರಿಂದ ನಮ್ಮ ನಿರೀಕ್ಷೆ ತಲುಪುವ ಎಲ್ಲ ಅವಕಾಶಗಳಿವೆ ಎನ್ನುವುದು ಕಾಂಗ್ರೆಸ್ ವಲಯದ ಅನಿಸಿಕೆಯಾಗಿದೆ.

ಗುಜರಾತ ವಿಧಾನಸಭೆ ಚುನಾವಣೆಯಲ್ಲಿ ಕಿಂಗ್ ಖಾನ್ ಶಾರೂಕ್ ಖಾನ್ ಅವರ 'ಚಕ್ ದೇ ಇಂಡಿಯಾ' ಹಾಡಿನ ಹಕ್ಕುನ್ನು ಖರೀದಿಸಿ ಚುನಾವಣೆ ಪ್ರಚಾರದಲ್ಲಿ ಬಳಿಸಿದ್ದರು. ಆದರೆ, ನರೇಂದ್ರ ಮೋದಿ ಅವರ ಚರಿಷ್ಮಾ ಮುಂದೆ ಚಕ್ ದೇ ಹಾಡಿನ ಆಟ ನಡೆದಿರಲಿಲ್ಲ ಎನ್ನುವುದು ವಿಶೇಷ.

(ದಟ್ಸ್ ಕನ್ನಡ ವಾರ್ತೆ)
ಸೈಕಲ್ ಹಿಡಿದ ಕೈ, ಎನ್ ಡಿಎ ತೆಕ್ಕೆಗೆ ಆರ್ಎಲ್ ಡಿ