ಡೀಸೆಲ್ ಬೆಲೆ ಮತ್ತೆ 2 ರುಪಾಯಿ ಕಡಿತ ಸಾಧ್ಯತೆ

ನವದೆಹಲಿ, ಫೆ. 26 : ಕಚ್ಚಾ ತೈಲದ ಬೆಲೆ ಮತ್ತಷ್ಟು ಕುಸಿತ ಕಂಡಿರುವ ಹಿನ್ನೆಲೆಯಲ್ಲಿ ಡೀಸೆಲ್ ಬೆಲೆಯನ್ನು ಇನ್ನಷ್ಟು ಇಳಿಸಲು ಸರ್ಕಾರ ಚಿಂತನೆ ನಡೆಸಿದೆ. ಹಣದುಬ್ಬರಕ್ಕೂ ಡೀಸೆಲ್ ಬೆಲೆಗೂ ನೇರನಂಟಿರುವುದರಿಂದ ಬೆಲೆ ಕಡಿತದ ಮೂಲಕ ಹಣದುಬ್ಬರಕ್ಕೆ ಕಡಿವಾಣ ಹಾಕುವುದು ಸರ್ಕಾರದ ಉದ್ದೇಶವಾಗಿದೆ.

ಸದ್ಯಕ್ಕೆ ತೈಲ ಬೆಲೆ ಕಡಿತದ ಯೋಜನೆಯಿಲ್ಲ ಎಂದು ಪೆಟ್ರೋಲಿಯಂ ಸಚಿವ ಮುರಳಿ ದೆವೋರಾ ಹೇಳಿದ್ದಾರಾದರೂ, ಬೆಲೆ ಕಡಿತ ಪ್ರಸ್ತಾಪವನ್ನು ಪೆಟ್ರೋಲಿಯಂ ಸಚಿವಾಲಯ ಆದಷ್ಟು ಶೀಘ್ರ ಸಂಪುಟದ ಮುಂದಿಡಲಿದೆ ಎಂದು ವಿಶ್ವನೀಯ ಮೂಲಗಳು ತಿಳಿಸಿವೆ. ಮೂಲಗಳ ಪ್ರಕಾರ ಡೀಸೆಲ್ ಬೆಲೆಯನ್ನು ಮಾತ್ರ ಕಡಿಮೆ ಮಾಡಲು ಸಿದ್ಧತೆ ನಡೆಸಲಾಗಿದ್ದು. 2 ರುಪಾಯಿ ಕಡಿತಗೊಳಿಸುವ ನಿಟ್ಟಿನಲ್ಲಿ ಸರ್ಕಾರ ಚಿಂತನೆ ನಡೆಸಿದೆ.

(ಏಜೆನ್ಸೀಸ್)