ಟರ್ಕಿ ವಿಮಾನ ಅಪಘಾತ, 1 ಸಾವು, 20 ಗಾಯ

ಅಮಸ್ಟರ್ ಡಾಂ, ಫೆ. 25 : ಟರ್ಕಿ ದೇಶಕ್ಕೆ ಸೇರಿದ ವಿಮಾನವೊಂದು ಅಮಸ್ಟರ್ ಡಾಂ ನ ಸ್ಕೀ ಪೂಲ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡಿಂಗ್ ಆಗುವ ಸಂದರ್ಭದಲ್ಲಿ ಅಪಘಾತ ಸಂಭವಿಸಿದೆ. ಒಬ್ಬರು ಸಾವನ್ನಪ್ಪಿದ್ದು, 20 ಜನರಿಗೆ ಗಂಭೀರವಾಗಿ ಗಾಯಗಳಾಗಿವೆ ಎಂದು ತಿಳಿದು ಬಂದಿದೆ. ಗಾಯಾಳುಗಳ ಸಂಖ್ಯೆ ಹೆಚ್ಚು ಸಾಧ್ಯತೆ ಇದೆ. ವಿಮಾನದಲ್ಲಿ ಒಟ್ಟು 135 ಮಂದಿ ಪ್ರಯಾಣಿಸುತ್ತಿದ್ದರು.

ಟರ್ಕಿ ದೇಶಕ್ಕೆ ಸೇರಿದ 787-800 ಸಂಖ್ಯೆಯ ವಿಮಾನ ಇಸ್ತಾಬುಲ್ ದಿಂದ ಅಮಸ್ಟರ್ ಡಾಂ ಗೆ ತೆರಳುತ್ತಿತ್ತು. ಅಮಸ್ಟರ್ ಡಾಂನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಎ9 ರನ ವೇ ಯಲ್ಲಿ ಈ ದುರ್ಘಟನೆ ಸಂಭವಿಸಿದೆ. ಘಟನೆಗೆ ಕಾರಣ ತಿಳಿದು ಬಂದಿಲ್ಲ. ಅಗ್ನಿಶಾಮಕ ದಳ ಸ್ಥಳಕ್ಕೆ ಆಗಮಿಸಿದೆ. ಯಾವುದೇ ಅಪಾಯ ಸಂಭವಿಸಿಲ್ಲ ಅಮಸ್ಟರ್ ಡಾಂ ವಿಮಾನ ನಿಲ್ದಾಣದ ಪೊಲೀಸರು ತಿಳಿಸಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)