ನೊಯ್ಡಾದಲ್ಲಿ ಇಬ್ಬರು ಭಯೋತ್ಪಾಕರು ಹತ್ಯೆ

ನೊಯ್ಡಾ, ಜ. 25 : ಗಣರಾಜ್ಯೋತ್ಸವದ ಹಿಂದಿನ ದಿನ ಪಾಕ್ ಪ್ರಚೋದಿತ ಭಯೋತ್ಪಾದಕರ ಮತ್ತೊಮ್ಮೆ ದಾಳಿ ನಡೆಸಲು ವಿಫಲ ಯತ್ನ ನಡೆಸಿ ಹತ್ಯೆಗೀಡಾಗಿರುವ ಪ್ರಕರಣ ಇಲ್ಲಿನ ಗಾಜಿಯಾಬಾದ್ ಸೆಕ್ಷರ್ 97ರಲ್ಲಿ ಭಾನುವಾರ ನಸುಕಿನ ಜಾವ ನಡೆದಿದೆ. ನೊಯ್ಡಾ ಪೊಲೀಸ್, ಭಯೋತ್ಪಾದನಾ ನಿಗ್ರಹ ಪಡೆ ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ ಇಬ್ಬರು ಉಗ್ರರನ್ನು ಕೊಂದು ಹಾಕಲು ಯಶಸ್ವಿಯಾಗಿದ್ದಾರೆ.

ಅರ್ಧ ಗಂಟೆಗೂ ಹೆಚ್ಚು ಕಾಲ ನಡೆದ ಗುಂಡಿನ ಚಕಮಕಿಯಲ್ಲಿ ಉಗ್ರರನ್ನು ಹೊಡೆದು ಉರುಳಿಸಲಾಯಿತು. ಹತ್ಯೆಗೈಯಲಾಗಿರುವ ಭಯೋತ್ಪಾದಕರು ಪಾಕಿಸ್ತಾನ ದೇಶಕ್ಕೆ ಸೇರಿದವರು ಎನ್ನುವುದಕ್ಕೆ ಸಾಕಷ್ಟು ಪುರಾವೆಗಳು ದೊರೆತಿವೆ. ಪಾಕಿಸ್ತಾನದ ಒಕಾರ್ ಜಿಲ್ಲೆಯ ನಿವಾಸಿ ಫಾರೂಕ್ ಹಾಗೂ ರಾವಲ್ಪಿಂಡಿಯ ಅಬು ಇಸ್ಮಾಯಿಲ್ ಎಂದು ಮಾಹಿತಿ ಸಿಕ್ಕಿದೆ ಎಂದು ಉತ್ತರ ಪ್ರದೇಶ ಪೊಲೀಸ್ ಮಹಾನಿರ್ದೇಶಕ ಬ್ರಿಜ್ ಲಾಲ್ ತಿಳಿಸಿದ್ದಾರೆ.

ಭಯೋತ್ಪಾದಕರಿಂದ ಎರಡು ಎಕೆ 47, ನಾಲ್ಕು ಪತ್ರಿಕೆ, ಗ್ರೇನಿಡ್ ಗಳು, ಡೆಟೂನೇಟರ್ ಗಳು, ಆರ್ ಡಿಎಕ್ಸ್, ಪಾಕಿಸ್ತಾನದ ಪಾಸ್ ಪೊರ್ಟ್ ಹಾಗೂ 18 ಸಾವಿರ ರುಪಾಯಿಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಲಾಲ್ ವಿವರಿಸಿದರು.

(ದಟ್ಸ್ ಕನ್ನಡ ವಾರ್ತೆ)