ಏಪ್ರಿಲ್ ನಲ್ಲಿ ಬೆಂಗಳೂರಿಗೆ ಬಿಎಸ್ಸೆನ್ನೆಲ್ ತ್ರಿಜಿ ಸೇವೆ

ಬೆಂಗಳೂರು, ಜ.1: ಭಾರತ್ ಸಂಚಾರ್ ನಿಗಮ ನಿಯಮಿತ(ಬಿಎಸ್ ಎನ್ ಎಲ್)ಬೆಂಗಳೂರಿನ ಗ್ರಾಹಕರಿಗೆ 2009ರ ಏಪ್ರಿಲ್ ನಿಂದ 3ಜಿ ತಂತ್ರಜ್ಞಾನ ಸೇವೆಯನ್ನು ಒದಗಿಸಲು ಸಜ್ಜಾಗಿದೆ.

ಈ ಕುರಿತು ಮಾತನಾಡುತ್ತಿದ್ದ ಕರ್ನಾಟಕ ವೃತ್ತದ ಮುಖ್ಯ ನಿರ್ವಾಹಕ ಆರ್ ಮಣಿ,ದಕ್ಷಿಣ ಭಾರತದಲ್ಲಿ ಚೆನ್ನೈನಲ್ಲಿ ಮಾರ್ಚ್ ವೇಳೆಗೆ ನಂತರ ಬೆಂಗಳೂರಿನಲ್ಲಿ 3ಜಿ ಸೇವೆ ಆರಂಭವಾಗಲಿದೆ ಎಂದರು. ಚೀನಾ ಮೂಲದ ಹುವೈ ಟೆಕ್ನಾಲಜೀಸ್ ಕಂಪನಿ 3ಜಿ ತಂತ್ರಜ್ಞಾನದ ಪರಿಕರಗಳನ್ನು ಬಿಎಸ್ ಎನ್ ಎಲ್ ಗೆ ನೀಡಲಿದೆ. ಮಾರ್ಚ್ ವೇಳೆಗೆ ಈ ಪರಿಕರಗಳು ಬೆಂಗಳೂರಿಗೆ ತಲುಪಲಿವೆ ಎಂದು ಅವರು ತಿಳಿಸಿದರು.

ಚೀನಾ ಸೇರಿದಂತೆ ವಿವಿಧ ದೇಶಗಳಲ್ಲಿ ಬಳಕೆಯಲ್ಲಿರುವ 3ಜಿ ತಂತ್ರಜ್ಞಾನ ಜ.30, 2009ರ ವೇಳೆಗೆ ಭಾರತದಲ್ಲಿ ಅಧಿಕೃತವಾಗಿ ಆರಂಭವಾಗುವ ಸಾಧ್ಯತೆಗಳಿವೆ. ವೀಡಿಯೋ ಕಾಲಿಂಗ್, ವೈಫೈ ಸೌಲಭ್ಯಗಳು ಸೇರಿದಂತೆ ಉನ್ನತ ತಂತ್ರಜ್ಞಾನದ ಸೇವೆಗಳು 3ಜಿ ತಂತ್ರಜ್ಞಾನದಿಂದ ಪಡೆಯಬಹುದು.

(ದಟ್ಸ್ ಕನ್ನಡ ವಾರ್ತೆ)