ಸಿಂಡಿಕೇಟ್ ಬ್ಯಾಂಕಲ್ಲಿ ಸಾಲ ಕೇಳೋದು ಈಗ ಅತಿ ಸುಲಭ!

ಬೆಂಗಳೂರು, ನ.14 : ಸಿಂಡಿಕೇಟ್ ಬ್ಯಾಂಕ್ ನಲ್ಲಿ ಸಾಲ ಬಯಸುವ ಮಂದಿ, ಬ್ಯಾಂಕ್ ಹುಡುಕಿಕೊಂಡು ಹೋಗುವ ಅಗತ್ಯವಿಲ್ಲ. ಅಂತರ್ಜಾಲದ ಮುಖಾಂತರವೇ ತಮ್ಮ ಸಾಲದ ಮನವಿಯನ್ನು ಗ್ರಾಹಕರು ಸಲ್ಲಿಸಬಹುದು. ಈ ವಿನೂತನ ಸೇವೆಯನ್ನು ಆರಂಭಿರುವುದಾಗಿ ಬ್ಯಾಂಕ್ ಗುರುವಾರ(ನ.15) ತಿಳಿಸಿದೆ.

ಮನೆ ಸಾಲ, ವೃತ್ತಿ ಸಂಬಂಧಿ ಸಾಲ, ಸ್ವಯಂ ಉದ್ಯೋಗ ಮತ್ತು ವ್ಯಾಪಾರಕ್ಕಾಗಿ 2ಲಕ್ಷವರೆಗಿನ ಸಾಲವನ್ನು ಬ್ಯಾಂಕ್ ನಿಂದ ಪಡೆಯಬಹುದಾಗಿದೆ. ಈಗಾಗಲೇ ಈ ಸೇವೆ ಜಾರಿಯಲ್ಲಿದೆ. ಆದರೆ ಈ ಹಿಂದೆ 25ಲಕ್ಷಕ್ಕೂ ಅಧಿಕ ಮೊತ್ತದ ಸಾಲ ಪಡೆಯುವ ಮಂದಿಗೆ ಮಾತ್ರ ಈ ಸೇವೆ ಲಭ್ಯವಿತ್ತು. ಸೇವೆಯನ್ನು ಇತರೆ ಗ್ರಾಹಕರಿಗೂ ಈಗ ವಿಸ್ತರಿಸಲಾಗಿದೆ.

ಬ್ಯಾಂಕಿನ ವೆಬ್ ಸೈಟ್ www.syndicatebank.in ಗೆ ಭೇಟಿ ನೀಡಿ, ಸಾಲದ ಮನವಿಯನ್ನು ಸಲ್ಲಿಸಬಹುದು. ಸೇವೆಗೆ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ ಎಂದು ಬ್ಯಾಂಕ್ ತಿಳಿಸಿದೆ.

(ಯುಎನ್ಐ)