ಉಚಿತ ಆನ್‌ಲೈನ್‌ ಟಿವಿ ಮಾಹಿತಿ ಬಿಡುಗಡೆಗೊಳಿಸಿದ ಸ್ಕೈಪಿ

ಅಮ್‌ಸ್ಟರ್‌ಡ್ಯಾಮ್‌ : ಅಂತರ್ಜಾಲದಲ್ಲಿ ಜನಪ್ರಿಯ ಉತ್ಪನ್ನಗಳಾದ ಕಡತ ಹಂಚಿಕೆಗಾಗಿ ‘ಕಜಾ’ ಹಾಗೂ ದೂರವಾಣಿ ಸಂಪರ್ಕ ಒದಗಿಸುವ ‘ಸ್ಕೈಪಿ ಟೆಲಿಫೋನಿ’ಯನ್ನು ಪರಿಚಯಿಸಿದ ಸ್ಕೈಪಿ ಸಂಸ್ಥೆ ಈಗ ಅನ್‌ಲೈನ್‌ ಟಿವಿ ಪ್ರಸಾರಕ್ಕೆ ಮುಂದಾಗಿದೆ.

‘ಜೂಸ್ಟ್‌’ (Joost) ಎಂಬ ಹೆಸರಿನ ಆನ್‌ಲೈನ್‌ ಸೇವೆಯ ಮೂಲಕ ನಿಮ್ಮ ಗಣಕದಲ್ಲಿ ಸುಲಭವಾಗಿ ಟಿವಿಯನ್ನು ನೋಡಬಹುದಾಗಿದೆ. ಜೂಸ್ಟನ್ನು ಜೂಸ್ಡ್‌ ಎಂದು ಉಚ್ಚರಿಸಲಾಗುತ್ತದೆ. ಜೂಸ್ಡ್‌ ಬ್ರೌಸಿಂಗ್‌ ತಂತ್ರಾಂಶವನ್ನು ಡೌನ್‌ಲೋಡ್‌ ಮಾಡಿಕೊಂಡು ಅಂತರ್ಜಾಲದಲ್ಲಿ ದೊರಕುವ ನೂರಾರು ಚಾನೆಲ್‌ಗಳನ್ನು ವೀಕ್ಷಿಸಬಹುದು.

ಈ ಆನ್‌ಲೈನ್‌ ಟಿವಿಯಲ್ಲಿ ಜಾಹೀರಾತುಗಳು ಇರುತ್ತವೆಯಾದರೂ ಇತರ ಟಿವಿ ವಾಹಿನಿಗಳಂತೆ ಹೆಚ್ಚು ಸಮಯ ಕಿರಿಕಿರಿ ಮಾಡುವುದಿಲ್ಲ’ ಎಂದು ತಂತ್ರಾಂಶ ತಯಾರಕರು ಹೇಳುತ್ತಾರೆ.

ಪರೀಕ್ಷೆಯ ಹಂತದಲ್ಲಿರುವ ಈ ತಂತ್ರಾಶ ಸದ್ಯಕ್ಕೆ ‘ಬೀಟಾ’ ಅವೃತ್ತಿಯಲ್ಲಿ ಕೆಲವು ಸಮಯಕ್ಕೆ ಮಾತ್ರ ಲಭ್ಯವಿರುತ್ತದೆ.

ಈಗಾಗಲೇ ವೀಡಿಯೋ ತುಣುಕುಗಳ ಪ್ರಸಾರದಲ್ಲಿ ನಿರತವಾಗಿರುವ ಬಿಟ್‌ ಟೊರೆಂಟ್‌ ಹಾಗೂ ಗೂಗಲ್‌ನ ಯೂಟೂಬ್‌ ವಾಹಿನಿಗಳಿಗೆ ಸ್ಕೈಪಿಯ ಜೂಸ್ಡ್‌ ಒಳ್ಳೆಯ ಸ್ಪರ್ಧೆ ಒಡ್ಡುವುದರಲ್ಲಿ ಸಂಶಯವಿಲ್ಲ ಎಂಬ ಮಾತುಗಳು ಕೇಳಿಬಂದಿವೆ.

ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ: www.joost.com

(ಏಜನ್ಸೀಸ್‌)