ತರಗತಿಯಲ್ಲಿ ಮಕ್ಕಳಿಗಿನ್ನು ಶಿಕ್ಷಕರು ಹೊಡೆಯುವಂತಿಲ್ಲ!

ಚೆನ್ನೈ : ಮಕ್ಕಳಿಗಿನ್ನು ಹೊಡೆದು-ಬಡಿದು ಶಾಲೆಯಲ್ಲಿ ಪಾಠ ಹೇಳಿಕೊಡುವಂತಿಲ್ಲ. ತಮಿಳುನಾಡು ಸರ್ಕಾರ, ಈ ಕುರಿತು ಆದೇಶ ಹೊರಡಿಸಿದೆ.

ಮಕ್ಕಳಿಗೆ ದೈಹಿಕ ಶಿಕ್ಷೆ, ಕೋಲಿನಿಂದ ಹೊಡೆಯುವುದು ಇವೆಲ್ಲವನ್ನು ಶಿಕ್ಷಕರು ಕೈಬಿಡಬೇಕಾಗಿದೆ. ಎ.ಮುತ್ತು ಕೃಷ್ಣನ್‌ ನೇತೃತ್ವದ ಸಮಿತಿ ನೀಡಿದ ಶಿಫಾರಸಿನಂತೆ ಸರ್ಕಾರ ಈ ಕ್ರಮ ಕೈಗೊಂಡಿದ್ದು, ಶಿಕ್ಷಕರು ನೀಡುವ ಹಿಂಸೆಗಳನ್ನು ನಿಷೇಧಿಸಿದೆ.

ಪೋಷಕರ ಒತ್ತಾಯದ ಮೇರೆಗೆ ಈ ಸಮಿತಿಯನ್ನು ರಚಿಸಲಾಗಿತ್ತು. ಶಿಕ್ಷಕರ ಹಿಂಸೆಗೆ ಹೆದರಿ ಕೆಲವು ಮಕ್ಕಳು ಆತ್ಮಹತ್ಯೆ ಮಾಡಿಕೊಂಡಿರುವ ಪ್ರಕರಣಗಳ ಹಿನ್ನೆಲೆಯಲ್ಲಿ ಸಾರ್ವಜನಿಕರಿಂದ ಅಸಮಾಧಾನ ವ್ಯಕ್ತವಾಗಿತ್ತು.

ಸರ್ಕಾರದ ಆದೇಶ ಕಂಡು ಮಕ್ಕಳಿಗಂತೂ ಖುಷಿಯಾಗಿದೆ. ತರಗತಿಯಲ್ಲಿ ಮಂಗಾಟವಾಡುವ ಮಕ್ಕಳಿಗೆ ಹೇಗಪ್ಪಾ ಕಡಿವಾಣ ಹಾಕೋದು ಎನ್ನುವ ಚಿಂತೆ ಶಿಕ್ಷಕರಲ್ಲಿದೆ.

(ಏಜನ್ಸೀಸ್‌)