ಶೀಲ ಶಂಕೆ : ಹೆಂಡತಿಗೆ ಗುಂಡಿಕ್ಕಿ ಕೊಂದ ಕಲ್ಬುರ್ಗಿ ಪೇದೆ

ಕಲ್ಬುರ್ಗಿ : ಜಿಲ್ಲಾ ಸಶಸ್ತ್ರ ಮೀಸಲು ಪಡೆಯ ಪೇದೆಯೋರ್ವ ಹೆಂಡತಿಯ ಶೀಲ ಶಂಕಿಸಿ, ತನ್ನ ಸರ್ವೀಸ್‌ ರೈಫಲ್‌ನಿಂದಲೇ ಗುಂಡುಹಾರಿಸಿ ಕೊಲೆಗೈದಿದ್ದಾನೆ.

ಈ ಹೃದಯವಿದ್ರಾವಕ ಘಟನೆ ಮಂಗಳವಾರ ನಗರದಲ್ಲಿ ನಡೆದಿದೆ. ಬೆಳಗ್ಗೆ ಹೆಂಡತಿ ಸಾಯಬವ್ವ(40)ಳೊಂದಿಗೆ ಜಗಳಕ್ಕಿಳಿದ ಪೇದೆ ಸಿದ್ಧರಾಮಪ್ಪ, ಆವೇಶದಲ್ಲಿ ಎರಡು ಸುತ್ತು ಗುಂಡು ಹಾರಿಸಿದ್ದಾನೆ.

ಈ ದಂಪತಿಗಳಿಗೆ ನಾಲ್ವರು ಮಕ್ಕಳಿದ್ದಾರೆ. ಘಟನೆ ಪೊಲೀಸ್‌ ವಸತಿ ಸಮುಚ್ಛಯದಲ್ಲಿ ನಡೆದಿದ್ದು, ಸಿದ್ಧರಾಮಪ್ಪನನ್ನು ಪೊಲೀಸರು ಬಂಧಿಸಿದ್ದಾರೆ.

(ಯುಎನ್‌ಐ)