‘ಹಿಂದೂ ಮಹಾಸಾಗರದಲ್ಲಿ ಒಸಾಮ ಹಡಗುಗಳ ತೇಲಿ ಬಿಟ್ಟಿದ್ದಾನೆ’

‘ಹಿಂದೂ ಮಹಾಸಾಗರದಲ್ಲಿ ಒಸಾಮ ಹಡಗುಗಳ ತೇಲಿ ಬಿಟ್ಟಿದ್ದಾನೆ’
ಜಗತ್ತಿನ ಮೊದಲ ಭಯೋತ್ಪಾದಕ ನೌಕಾ ಪಡೆಯನ್ನು ಲ್ಯಾಡೆನ್‌ ರಚಿಸಿದ್ದಾನಂತೆ

ಅಂತರರಾಷ್ಟ್ರೀಯ ಪಾತಕಿ ಒಸಾಮ ಬಿನ್‌ ಲ್ಯಾಡೆನ್‌ ಚುಕ್ಕಾಣಿಯ ಸಂಘಟನೆ ಅಲ್‌ ಕ್ವೆ ೖದಾ ವಿಶ್ವದ ಮೊದಲ ಭಯೋತ್ಪಾದಕ ನೌಕಾ ಪಡೆ ರಚಿಸಿದೆ ಎಂದು ಬೇಹುಗಾರಿಕಾ ದಳಗಳು ಎಚ್ಚರಿಸಿವೆ.

ಹಿಂದೂಮಹಾ ಸಾಗರ ಮತ್ತು ಪೆಸಿಫಿಕ್‌ ಸರೋವರದಲ್ಲಿ ಒಸಾಮನ ಹಡಗುಗಳು ತೇಲಿ ಬರಲಿವೆ. ಹೀಗಾಗಿ ನೌಕಾ ನೆಲೆಗಳು ಮೈಯೆಲ್ಲಾ ಕಣ್ಣಾಗಿರಬೇಕು ಎಂದು ಅಮೆರಿಕ ಸರ್ಕಾರ ಕಟ್ಟೆಚ್ಚರ ನೀಡಿದೆ. ಪಿಲಿಫೈನ್ಸ್‌ ಸರ್ಕಾರ ಕೂಡ ಒಸಾಮನ ಹಡಗುಗಳ ಮೇಲೆ ನಿಗಾ ಇಡುವಂತೆ ಆದೇಶಿಸಿದೆ. ಬೇಹುಗಾರಿಕಾ ದಳಗಳ ಮೂಲಗಳನ್ನು ಉದ್ಧರಿಸಿ ಆನ್‌ಲೈನ್‌ ದೈನಿಕ ವರ್ಲ್ಡ್‌ ನೆಟ್‌ ಡೈಲಿ ಈ ಸುದ್ದಿಯನ್ನು ಬುಧವಾರ (ಅ. 01) ಪ್ರಕಟಿಸಿದೆ.

ಬೇಹುಗಾರಿಕಾ ದಳಗಳ ಪ್ರಕಾರ ಕಳೆದ ಎರಡು ವರ್ಷದಲ್ಲಿ ಅಲ್‌ ಕ್ವೆ ೖದಾ ಸಂಘಟನೆ 15 ಹಡಗುಗಳನ್ನು ಖರೀದಿಸಿದೆ. ಗ್ರೀಕ್‌ನ ಹಡಗು ದಲ್ಲಾಳಿ ಕಂಪನಿಯ ಜೊತೆ ಒಸಾಮ ಬಿನ್‌ ಲ್ಯಾಡೆನ್‌ ನೇರ ಸಂಪರ್ಕ ಹೊಂದಿರುವ ಗುಮಾನಿಯನ್ನೂ ಅಮೆರಿಕ ವ್ಯಕ್ತಪಡಿಸಿದೆ. ಭಯಂಕರ ರಾಸಾಯನಿಕಗಳು, ಭಾರೀ ಶಸ್ತ್ರಾಸ್ತ್ರಗಳು ಹಾಗೂ ಅಣ್ವಸ್ತ್ರವನ್ನೂ ಸಾಗಿಸುವಷ್ಟು ಒಸಾಮನ ಹಡಗುಗಳು ವಿಶಾಲವಾಗಿವೆಯಂತೆ.

ಬೇಹುಗಾರಿಕಾ ಇಲಾಖೆಗಳ ಪ್ರಕಾರ ವಾರಗಳ ಹಿಂದೆ ಆಫ್ರಿಕ ಕಡಲ ಕಿನಾರೆಯಿಂದ ಹೊರಟಿರುವ ಒಸಾಮನ ಹಡಗುಗಳ ಪೈಕಿ ಕೆಲವು ಏಷ್ಯಾ ಖಂಡಕ್ಕೂ ಬರಲಿವೆ !

(ಏಜೆನ್ಸೀಸ್‌)

ಮುಖಪುಟ / ವಾರ್ತೆಗಳು