ಹಾಸನದಲ್ಲಿ ಧಾರಾಕಾರ ಮಳೆ, ವಾಹನ ಸಂಚಾರ ಅಸ್ತವ್ಯಸ್ತ

ಹಾಸನ : ಬಿಸಿಲ ಬೇಗೆಯಿಂದ ತತ್ತರಿಸುತ್ತಿದ್ದ ನಗರಕ್ಕೆ ರಜೆಯ ದಿನ ಭಾನುವಾರ ತಂಪಿನ ಸಿಂಚನ. ಮಧ್ಯಾಹ್ನ 2 ರ ಸುಮಾರಿಗೆ ಪ್ರಾರಂಭವಾಗಿ ಸಂಜೆ 5 ರವರೆಗೂ ಸುರಿದ ಮಳೆ ಸಾರ್ವಜನಿಕರಿಗೆ ತಂಪಿನೊಂದಿಗೆ ಸಮಸ್ಯೆಯನ್ನೂ ಉಂಟುಮಾಡಿತು.

ಭಾರೀ ಬಿರುಸಿನಿಂದ ಕೂಡಿದ ಮಳೆಯಿಂದಾಗಿ ನಗರದ ಹಲವಾರು ರಸ್ತೆಗಳು ಜಲಾವೃತಗೊಂಡವು. ಒಳಚರಂಡಿ ವ್ಯವಸ್ಥೆ ಅಸರ್ಮಕವಾದುದರಿಂದ ರಸ್ತೆಗಳ ಮೇಲೆ ನೀರು ತುಂಬಿ ಹರಿಯತೊಡಗಿತು. ಇದರಿಂದಾಗಿ ವಾಹನ ಸಂಚಾರ ಅಸ್ತವ್ಯಸ್ತಗೊಂಡು ನಾಗರಿಕರ ಓಡಾಟಕ್ಕೆ ಕೆಲ ಸಮಯ ತೊಂದರೆಯಾಯಿತು.

ಭಾನುವಾರ ಸುರಿದ ಮಳೆ ನಗರ ಪ್ರದೇಶದ ವಾತಾವರಣವನ್ನು ತಂಪುಗೊಳಿಸಿದೆ. ನಗರದ ಸುತ್ತಮುತ್ತಲಿನ ಪ್ರದೇಶದಲ್ಲಿ ಕಟಾವಿಗೆ ಬಂದಿರುವ ಆಲೂಗಡ್ಡೆ ಬೆಳೆಗೂ ಮಳೆ ಸಹಕಾರಿಯಾಗಿದೆ ಎನ್ನಲಾಗಿದೆ.

(ಇನ್ಫೋ ವಾರ್ತೆ)