ಕೋಲಾರದ ಡಾ.ನಾರಾಯಣ ಸ್ವಾಮಿಗೆ ಭಾರತ ಜ್ಯೋತಿ ಪ್ರಶಸ್ತಿ

ಕೋಲಾರ : ವೈದ್ಯಕೀಯ ವೃತ್ತಿ ಮತ್ತು ಸಮಾಜ ಸೇವಾ ಪ್ರವೃತ್ತಿಯಿಂದ ಗುರ್ತಿಸಿಕೊಂಡಿರುವ ಇಲ್ಲಿನ ಡಾ.ನಾರಾಯಣ ಸ್ವಾಮಿ, ನವ ದೆಹಲಿಯ ಇಂಡಿಯಾ ಇಂಟರ್‌ ನ್ಯಾಷನಲ್‌ ಫ್ರೆಂಡ್‌ಷಿಪ್‌ ಸಂಸ್ಥೆಯ ಭಾರತ ಜ್ಯೋತಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ನವದೆಹಲಿಯಲ್ಲಿ ಇತ್ತೀಚೆಗೆ ನಡೆದ ಸಮಾರಂಭದಲ್ಲಿ ತಮಿಳುನಾಡಿನ ಮಾಜಿ ರಾಜ್ಯಪಾಲ ಭೀಷ್ಮ ನಾರಾಯಣ ಸಿಂಗ್‌ ಪ್ರಶಸ್ತಿ ಪ್ರದಾನ ಮಾಡಿದರು. ವಿವಿಧ ಕ್ಷೇತ್ರಗಳಲ್ಲಿ ಗಣನೀಯ ಸೇವೆ ಸಲ್ಲಿಸಿರುವ ಕರ್ನಾಟಕದ 6 ಮಂದಿಗೆ ಈ ಪ್ರಶಸ್ತಿ ಲಭಿಸಿದೆ.

ಗುಂಡೂರಾವ್‌ ಮುಖ್ಯಮಂತ್ರಿಯಾಗಿದ್ದಾಗ, ಖಾಸಗಿ ಸಂಸ್ಥೆಗಳಿಗೆ ವೈದ್ಯಕೀಯ ಕಾಲೇಜು ಸ್ಥಾಪಿಸಲು ಅನುಮತಿ ಕೊಟ್ಟಿದ್ದರ ವಿರುದ್ಧ ದನಿಯೆತ್ತಿದ ಡಾ.ನಾರಾಯಣ ಸ್ವಾಮಿ ಸೆರೆವಾಸ ಅನುಭವಿಸಿದ್ದರು. ಸರ್ಕಾರಿ ಹುದ್ದೆ ಸಿಕ್ಕಿದ್ದರೂ ಕೋಲಾರದಲ್ಲೇ ಖಾಸಗಿ ಸೇವೆ ಸಲ್ಲಿಸುತ್ತಿರುವ ಡಾ.ನಾರಾಯಣ್‌ ಇಲ್ಲಿ ಮನೆಮಾತು.

(ಇನ್ಫೋ ವಾರ್ತೆ)