ಆ.27 ರಿಂದ ಮಹಾತ್ಮಗಾಂಧಿ ಸರಣಿಯ 20 ರು. ಹೊಸ ನೋಟು

ಬೆಂಗಳೂರು : ಮಹಾತ್ಮ ಗಾಂಧಿ ಸರಣಿಯಲ್ಲಿನ 20 ರುಪಾಯಿಯ ಹೊಸ ನೋಟುಗಳನ್ನು ಭಾರತೀಯ ರಿಸರ್ವ್‌ ಬ್ಯಾಂಕ್‌ ಬಿಡುಗಡೆ ಮಾಡಿದೆ. ಆಗಸ್ಟ್‌ 27 ರ ಸೋಮವಾರದಿಂದ ಬೆಂಗಳೂರು ಶಾಖೆಯಲ್ಲಿ ಸಾರ್ವಜನಿಕರಿಗೆ ವಿತರಣೆಗೆ ಹೊಸ ನೋಟುಗಳು ದೊರೆಯಲಿವೆ.

ಹೊಸ ನೋಟಿನ ವಾಟರ್‌ಮಾರ್ಕ್‌ನಲ್ಲಿ ಅಶೋಕಸ್ಥಂಭದ ಬದಲಿಗೆ ಮಹಾತ್ಮ ಗಾಂಧಿ ಅವರ ಚಿತ್ರವಿರುತ್ತದೆ. ಈಗಾಗಲೇ ಚಲಾವಣೆಯಲ್ಲಿರುವ ಹಳೆಯ ನೋಟುಗಳು ಕೂಡ ಚಾಲ್ತಿಯಲ್ಲಿರುತ್ತವೆ ಎಂದು ಆರ್‌ಬಿಐ ಪ್ರಕಟಣೆ ತಿಳಿಸಿದೆ.

(ಇನ್ಫೋ ವಾರ್ತೆ)