• search
For Quick Alerts
ALLOW NOTIFICATIONS  
For Daily Alerts

    2001 ರಿಂದ 2005 :ಭಾರತ ಇಂಟರ್ನೆಟ್‌ ಮಾರುಕಟ್ಟೆಗೆ ಶುಕ್ರದೆಶೆ

    By Staff
    |

    ವಾಷಿಂಗ್ಟನ್‌ : ಮುಂದಿನ 5 ವರ್ಷಗಳಲ್ಲಿ ಇಂಟರ್ನೆಟ್‌ ಮಾರುಕಟ್ಟೆಯಲ್ಲಿ ಭಾರತದ ಅಭಿವೃದ್ಧಿಯ ದರ ಏಷ್ಯಾ ಪೆಸಿಫಿಕ್‌ ಪ್ರಾದೇಶಿಕ ವಲಯದಲ್ಲಿ ಸಾಕಷ್ಟು ಹೆಚ್ಚಲಿದೆ ಎಂದು ‘ಗಾರ್ಟ್‌ನರ್‌ ಡೇಟಾಕ್ವೆಸ್ಟ್‌ ’ ಎಂಬ ಅಂತರರಾಷ್ಟ್ರೀಯ ಮಾರುಕಟ್ಟೆ ಸಂಶೋಧನಾ ಸಂಸ್ಥೆ ತಿಳಿಸಿದೆ.

    ಸಂಸ್ಥೆಯ ಲೆಕ್ಕಾಚಾರದ ವಿವರಗಳು ಇಂತಿವೆ....

    • 2001ರಿಂದ 2005ರ ಅವಧಿಯಲ್ಲಿ ಭಾರತದಲ್ಲಿ ಪ್ರತಿ ವರ್ಷ ಸರಾಸರಿ 44 ಪ್ರತಿಶತ ಇಂಟರ್ನೆಟ್‌ ಗ್ರಾಹಕರು ಹುಟ್ಟಿಕೊಳ್ಳಲಿದ್ದಾರೆ. ಈ ಅವಧಿಯಲ್ಲಿ 21.3 ದಶಲಕ್ಷ ಭಾರತೀಯರು ಅಂತರ್ಜಾಲಿಗಳಾಗಿರುತ್ತಾರೆ.
    • ಏಷ್ಯಾ ಪೆಸಿಫಿಕ್‌ ವಲಯದಲ್ಲಿ ಭಾರತ, ಇನ್ನು ಕೆಲವೇ ವರ್ಷಗಳಲ್ಲಿ ಚೀನಾ, ಜಪಾನ್‌ ಹಾಗೂ ದಕ್ಷಿಣ ಕೊರಿಯಾದ ನಂತರದ, ಅಂದರೆ 4ನೇ ಸ್ಥಾನ ಪಡೆಯಲಿದೆ.
    • ಚೀನಾ, ಜಪಾನ್‌ ಹಾಗೂ ಭಾರತ ರಾಷ್ಟ್ರಗಳಿಂದ ಕೂಡಿದ ಏಷ್ಯಾ ಪೆಸಿಫಿಕ್‌ ಇಂಟರ್ನೆಟ್‌ ಮಾರುಕಟ್ಟೆ 2003ರ ಹೊತ್ತಿಗೆ ಅಮೆರಿಕೆಯ ಮಾರುಕಟ್ಟೆಯನ್ನೂ ಹಿಂದಿಕ್ಕಲಿದೆ. ಆ ಹೊತ್ತಿಗೆ ಏಷ್ಯಾ ಪೆಸಿಫಿಕ್‌ ವಲಯದಲ್ಲಿ 183.3 ದಶಲಕ್ಷ ಅಂತರ್ಜಾಲಿಗಳು ಇರಲಿದ್ದು, ಅಮೆರಿಕೆಯಲ್ಲಿ 162.8 ದಶಲಕ್ಷ ಗ್ರಾಹಕರು ಮಾತ್ರ ಇರಲಿದ್ದಾರೆ.
    • 2000ನೇ ಇಸವಿಯಲ್ಲಿ ಏಷ್ಯಾ ಪೆಸಿಫಿಕ್‌ ವಲಯದಲ್ಲಿ 47.4 ದಶಲಕ್ಷ ಇಂಟರ್ನೆಟ್‌ ಗ್ರಾಹಕರಿದ್ದರು. 2005ರ ಹೊತ್ತಿಗೆ ಈ ಸಂಖ್ಯೆ 248 ದಶಲಕ್ಷ ಮುಟ್ಟಲಿದೆ !
    • 2005ರ ಹೊತ್ತಿಗೆ ಏಷ್ಯಾ ಪೆಸಿಫಿಕ್‌ ವಲಯದ ಮಾರುಕಟ್ಟೆ ಮೌಲ್ಯ 17.2 ಶತಕೋಟಿ ಡಾಲರ್‌ ಆಗಲಿದೆ.
    ಏಷ್ಯ ಪೆಸಿಫಿಕ್‌ ರಾಷ್ಟ್ರಗಳಲ್ಲಿ ಇಂಟರ್ನೆಟ್‌ ಗ್ರಾಹಕರ ಸಂಖ್ಯೆ ಕಂಡಾಪಟ್ಟೆ ಹೆಚ್ಚುತ್ತಿದೆ. ಜಾಲ ಸೇವಾ ಶುಲ್ಕ ಅಗ್ಗವಾಗಿರುವುದೇ ಇದಕ್ಕೆ ಕಾರಣ. ಮುಂದಿನ 5 ವರ್ಷಗಳಲ್ಲಿ ಇಂಟರ್ನೆಟ್‌ ಬಳಕೆದಾರರು ತೆರಬೇಕಾದ ಹಣ ಸಾಕಷ್ಟು ಕಡಿಮೆಯಾಗಲಿದ್ದು, ಅದಕ್ಕೆ ಪೂರಕವಾಗಿ ಗ್ರಾಹಕರ ಸಂಖ್ಯೆಯೂ ಗಣನೀಯವಾಗಿ ಹೆಚ್ಚಲಿದೆ ಎಂದು ಗಾರ್ಟ್‌ನರ್‌ನ ಹಿರಿಯ ವಿಶ್ಲೇಷಕ ಆ್ಯಂಡ್ರೂ ಚೇತಮ್‌ ತಿಳಿಸಿದ್ದಾರೆ.

    (ಯುಎನ್‌ಐ)

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more