ಮಹಾರಾಷ್ಟ್ರದ ಯಾತ್ರಾಸ್ಥಳ ಕೊಲ್ಹಾಪುರ ಸುತ್ತಮುತ್ತ ಲಘು ಭೂಕಂಪ

ಕೊಲ್ಹಾಪುರ್‌ : ಮಹಾರಾಷ್ಟ್ರದ ಪ್ರಸಿದ್ಧ ಯಾತ್ರಾಸ್ಥಳ ಕೊಲ್ಹಾಪುರ ಪಟ್ಟಣ ಹಾಗೂ ಸುತ್ತ ಮುತ್ತಲ ಪ್ರದೇಶದಲ್ಲಿ ವರ ಮಹಾಲಕ್ಷ್ಮಿ ಹಬ್ಬದ ಮುನ್ನಾ ದಿನ ಗುರುವಾರ ಲಘು ಭೂಕಂಪ ಸಂಭವಿಸಿದೆ.

ಸ್ಥಳೀಯ ಕಾಲಮಾನ ಬೆಳಗ್ಗೆ 09.38 ರ ವೇಳೆಯಲ್ಲಿ 55 ಸೆಕೆಂಡ್‌ಗಳ ಕಾಲ ಭೂಮಿ ಕಂಪಿಸಿದ್ದು , ಭೂಕಂಪದ ಪ್ರಮಾಣ 4.0 ಎಂದು ರಿಕ್ಟರ್‌ ಮಾಪಕ ದಾಖಲಿಸಿದೆ. ಛಂಡೋಲಿ ಅಣೆಕಟ್ಟೆಗೆ 20 ಕಿಮೀ ದೂರದಲ್ಲಿ ಭೂಕಂಪದ ಕೇಂದ್ರ ಇತ್ತೆಂದು ವರದಿಗಳು ತಿಳಿಸಿವೆ. ಭೂಕಂಪದಿಂದಾಗಿ ಯಾವುದೇ ಆಸ್ತಿಪಾಸ್ತಿ ಹಾನಿ ಸಂಭವಿಸಿರುವ ವರದಿಗಳು ಬಂದಿಲ್ಲ .

(ಯುಎನ್‌ಐ)