ಮಂಗಳೂರಿನ ಮಾಜಿ ಮೇಯರ್‌ ಸುಂದರಿ ಟೀಚರ್‌ ಇನ್ನಿಲ್ಲ

ಮಂಗಳೂರು : ಮಂಗಳೂರು ಮಹಾನಗರ ಪಾಲಿಕೆಯ ಮಾಜಿ ಮೇಯರ್‌ ಎಸ್‌. ಸುಂದರಿ ಮಂಗಳವಾರ ನಿಧನರಾದರು. ಅವರಿಗೆ 67 ವರ್ಷ ವಯಸ್ಸಾಗಿತ್ತು.

ಕಳೆದ ಒಂದು ತಿಂಗಳಿನಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರನ್ನು ನಗರದ ಖಾಸಗಿ ಆಸ್ಪತ್ರೆಗೆ ಸೇರಿಸಲಾಗಿತ್ತು. 2000ನೇ ಸಾಲಿನಲ್ಲಿ ಮಂಗಳೂರು ಮಹಾ ನಗರ ಪಾಲಿಕೆಯ ಮೇಯರ್‌ ಆಗಿದ್ದ ಸುಂದರಿ ಅವರು ಸುಂದರಿ ಟೀಚರ್‌ ಎಂದೇ ಪರಿಚಿತರಾಗಿದ್ದರು.

ಈ ವರ್ಷದ ಜೂನ್‌ ತಿಂಗಳನಲ್ಲಿ ನಡೆದ ನಗರ ಮೇಯರ್‌ ಉಪಮೇಯರ್‌ ಚುನಾವಣೆಯನ್ನು ನಿರ್ವಹಿಸಿದ ಅವರು ಅಧಿಕಾರವನ್ನು ನೂತನ ಮೇಯರ್‌ಗೆ ಹಸ್ತಾಂತರಿಸಿದ ದಿನವೇ ಅಸ್ವಸ್ಥರಾಗಿದ್ದರು. ಮೃತರು ಪತಿ ಮತ್ತು ಇಬ್ಬರು ಪುತ್ರರನ್ನು ಅಗಲಿದ್ದಾರೆ.

(ಇನ್ಫೋ ವಾರ್ತೆ)