ಸದ್ಯಕ್ಕೆ ಪ್ರಿಯಾಂಕ ರಾಜಕೀಯ ರಂಗಪ್ರವೇಶವಿಲ್ಲ - ಸೋನಿಯಾ

ವಾಷಿಂಗ್ಟನ್‌ : ಪ್ರಿಯಾಂಕ ಗಾಂಧಿ ಬರುವ ದಿನಗಳಲ್ಲಿ ರಾಜಕೀಯ ಪ್ರವೇಶಿಸುವ ಇಂಗಿತವನ್ನು ಅಮೇರಿಕಾ ಪ್ರವಾಸದಲ್ಲಿರುವ ಕಾಂಗ್ರೆಸ್‌ ಅಧ್ಯಕ್ಷೆ ಸೋನಿಯಾ ಗಾಂಧಿ ವ್ಯಕ್ತಪಡಿಸಿದ್ದಾರೆ. ರಾಜಕೀಯ ಪ್ರವೇಶದ ನಿರ್ಧಾರವನ್ನು ಪ್ರಿಯಾಂಕ ಇಷ್ಟಕ್ಕೇ ಬಿಟ್ಟಿರುವುದಾಗಿ ಸ್ಪಷ್ಟಪಡಿಸಿದ ಸೋನಿಯಾ, ತಕ್ಷಣದ ಸಂದರ್ಭದಲ್ಲಿ ಪ್ರಿಯಾಂಕ ರಾಜಕೀಯ ಪ್ರವೇಶಸುವ ಸಾಧ್ಯತೆಗಳನ್ನು ತಳ್ಳಿಹಾಕಿದರು.

ಭಾರತದ ರಾಜಕೀಯವನ್ನು ಅರ್ಥ ಮಾಡಿಕೊಳ್ಳಲು ಪ್ರಿಯಾಂಕ ಹಾಗೂ ರಾಹುಲ್‌ ಆಸಕ್ತರಾಗಿದ್ದಾರೆ. ಆದರೆ, ಅವರ ರಾಜಕೀಯ ಪ್ರವೇಶದ ಬಗ್ಗೆ ನಾನು ಭವಿಷ್ಯ ಹೇಳಲಾರೆ ಎಂದು ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತಿದ್ದ ಸೋನಿಯಾ ಹೇಳಿದರು. ರಾಜಕೀಯವನ್ನು ಮೊದಲಿನಿಂದಲೂ ಅವರ ಇಚ್ಛೆಗೇ ಬಿಟ್ಟಿದ್ದೇನೆ ಎಂದು ಹೇಳಿದ ಅವರು, ಸದ್ಯಕ್ಕೆ ಮಾತ್ರ ಪ್ರಿಯಾಂಕಳ ರಾಜಕೀಯ ರಂಗಪ್ರವೇಶವಿಲ್ಲ ಎನ್ನುವುದನ್ನು ಸ್ಪಷ್ಟಪಡಿಸಿದರು.

ರಾಜಕೀಯದ ಬಗೆಗೆ ಪ್ರಿಯಾಂಕಳ ಆಸಕ್ತಿಯನ್ನು ಪ್ರಸ್ತಾಪಿಸಿದ ಸೋನಿಯಾ, ‘ಅಮೇಥಿಯಲ್ಲಿ ನ ಚುನಾವಣೆ ಪ್ರಚಾರದ ಪೂರ್ಣ ನೇತೃತ್ವವನ್ನು ಆಕೆಯೇ ವಹಿಸಿದ್ದಳು. ಪ್ರಸ್ತುತ ರಾಜಕೀಯದ ಬಗ್ಗೆ ತನ್ನ ಒಲವನ್ನು ಕಡಿಮೆ ಮಾಡಿಕೊಂಡಿರುವ ಪ್ರಿಯಾಂಕ ಮಹಿಳೆ ಹಾಗೂ ಮಕ್ಕಳಿಗೆ ನೆರವು ನೀಡುವ ಕೆಲಸಗಳಲ್ಲಿ ತೊಡಗಿದ್ದಾಳೆ’ ಎಂದು ಹೇಳಿದರು.

(ಯುಎನ್‌ಐ)