www.arzoo.com

ಬೆಂಗಳೂರು : ಆರ್ಜೂ.ಕಾಂ ಬಾಗಿಲು ಮುಚ್ಚಿದೆ. ಇದರೊಂದಿಗೆ ಬಾಗಿಲು ಮುಚ್ಚಿದ ಡಾಟ್‌ಕಾಂಗಳ ಸಾಲಿಗೆ ಹೊಸತರ ಸೇರ್ಪಡೆಯಾಗಿದೆ.

ಅಮೇರಿಕೆಯ ಎಕನಾಮಿ ಸ್ಲೋಡೌನ್‌ ಪರಿಣಾಮವಾಗಿ ಬಾಗಿಲು ಮುಚ್ಚುವ ಹೊರತು ಬೇರೆ ದಾರಿಯೇ ಉಳಿದಿರಲಿಲ್ಲ . ನಾವೂ ಅತ್ಯಂತ ವಿಷಾದದಿಂದ ಆರ್ಜೂಗೆ ವಿದಾಯ ಹೇಳುತ್ತಿದ್ದೇವೆ, ಅಮೇರಿಕೆ ಆರ್ಥಿಕ ಏರುಪೇರಿನ ಹಿನ್ನೆಲೆಯಲ್ಲಿ ಈ ಹೊತ್ತು ಕಾರ್ಪೊರೇಟ್‌ ವಲಯದ ಎಲ್ಲ ನೂತನ ಸೇವೆಗಳೂ ದುಬಾರಿಯಾಗಿವೆ ಎಂದು ಆರ್ಜೂ ಜನಕ ಸಬೀರ್‌ ಭಾಟಿಯಾ ಹೇಳಿದ್ದಾರೆ.

ಈ ಕ್ಷಣದವರೆಗೂ ಕೂಡ ಗ್ರಾಹಕರು ನಮ್ಮ ಸೇವೆಯ ಬಗ್ಗೆ ತೃಪ್ತಿಯಿಂದಿದ್ದಾರೆ. ಆದರೆ, ಭವಿಷ್ಯದ ಬಗೆಗಿನ ನಿರೀಕ್ಷೆಯಿಂದ ನಮ್ಮಂಥ ಸಣ್ಣ ಕಂಪನಿಗಳು ಈ ಹೊತ್ತು ಬಂಡವಾಳ ಹೂಡುತ್ತಾ ಏಗುವುದು ಅಸಾಧ್ಯ. ಆ ಕಾರಣದಿಂದಾಗಿ ದುಸ್ಥರ ಆರ್ಥಿಕ ಪರಿಸ್ಥಿತಿಯಲ್ಲಿ ಬಾಗಿಲು ಮುಚ್ಚುವುದೇ ಒಳಿತೆಂದು ನಮ್ಮ ಆಡಳಿತ ಮಂಡಳಿ ನಿರ್ಧರಿಸಿತು ಎಂದು ಭಾಟಿಯಾ ತಿಳಿಸಿದ್ದಾರೆ.

(ಇನ್ಫೋ ವಾರ್ತೆ)