ತೆರೆ ಮೇಲೆ- ಅವರ್ನ್‌ ಬಿಟ್‌..., ಸರೋವರ, ಹಾಲಪ್ಪ

ಬೆಂಗಳೂರು : ಈ ವಾರ ಮೂರು ಕನ್ನಡ ಚಿತ್ರಗಳು ತೆರೆ ಕಾಣುತ್ತಿವೆ- ಬಹುದಿನಗಳಿಂದ ಡಬ್ಬದಲ್ಲೇ ಕೂತಿದ್ದ ಅವರ್ನ್‌ ಬಿಟ್‌ ಇವರ್ನ್‌ ಬಿಟ್‌ ಅವರ್ಯಾರು?, ಸರೋವರ ಹಾಗೂ ಹಾಲಪ್ಪ.

ಗುನುಗಿಸಬಹುದಾದ ಹಾಡುಗಳುಳ್ಳ ಅವರ್ನ್‌ ಬಿಟ್‌.. ನಲ್ಲಿ ಹೊಸಬ ಆನಂದ್‌ ನಟಿಸಿದ್ದಾರೆ. ರಾಮ್‌ಕುಮಾರ್‌, ಅವಿನಾಶ್‌ ಮೊದಲಾದವರ ಅಭಿನಯವೂ ಉಂಟು. ಚಿತ್ರವನ್ನು ಎ.ರಾಜೇಂದ್ರಕುಮಾರ್‌ ಆರ್ಯ ನಿರ್ದೇಸಿಸಿದ್ದು, ಹಂಸಲೇಖ ಸಂಗೀತವಿದೆ. ಇದು ಕೆ.ಜಿ. ವರಲಕ್ಷ್ಮಿ ಅರ್ಪಣೆ.

ಇನ್ನೊಂದು ಚಿತ್ರ ಸರೋವರ. ಚಂದ್ರಮುಖಿ ಪ್ರಾಣಸಖಿಯಲ್ಲಿ ಚೊಚ್ಚಲ ಪ್ರಯತ್ನದಲ್ಲೇ ಯಶಸ್ವಿಯಾಗಿದ್ದ ಸೀತಾರಾಮ ಕಾರಂತ್‌ ನಿರ್ದೇಶನದ ಚಿತ್ರವಿದು. ಹೇಳಿಕೊಳ್ಳುವಂಥಾ ತಾರಾಬಳಗ ಇಲ್ಲ. ರಾಮ್‌ಕುಮಾರ್‌, ಅರ್ಚನಾ, ಸುಮಂತ್‌ ಅಭಿನಯವಿದೆ. ಯುವ ಪ್ರತಿಭೆ ಕೆ.ಕಲ್ಯಾಣ್‌ ಸಂಗೀತ ನೀಡಿದ್ದಾರೆ. ಹೆಚ್‌.ಜಿ.ನಾರಾಯಣ್‌ ಹಾಗೂ ಸಿ.ಎಂ.ನಾರಾಯಣ್‌ ಚಿತ್ರಕ್ಕೆ ಹಣ ಸುರಿದಿದ್ದಾರೆ.

ಹಾಲಪ್ಪ- ಕೆ.ಮುಸ್ತಫಾ ನಿರ್ಮಿಸಿರುವ ಈ ಚಿತ್ರದ ಕತೆ- ಚಿತ್ರಕತೆ- ಸಂಭಾಷಣೆ- ನಿರ್ದೇಶನದ ಹೊಣೆ ಹೊತ್ತಿರುವುದು ಎ.ಆರ್‌.ಬಾಬು. ಅಬ್ಬರ ಪ್ರೇಮಿ ಸಾಧು ಕೋಕಿಲ ಸಂಗೀತವಿದೆ. ಶಶಿಕುಮಾರ್‌ ಹಾಗೂ ವಿನಿತಾ ಜೋಡಿ. ಇದು ಹೀನಾ ಎಂಟರ್‌ಪ್ರೆೃಸಸ್‌ ಕಾಣಿಕೆ.