ಜಾನಪದ ಲೋಕದಲ್ಲಿ ಮೂಡಲಪಾಯ ಯಕ್ಷಗಾನ ಕಲಿಕಾ ಶಿಬಿರ

ಬೆಂಗಳೂರು : ಅಪರೂಪವಾಗುತ್ತಿರುವ ಮೂಡಲ ಪಾಯ ಯಕ್ಷಗಾನವನ್ನು ಮುಂದಿನ ತಲೆಮಾರಿನವರಿಗೂ ಕಲಿಸಿಕೊಡುವ ನಿಟ್ಟಿನಲ್ಲಿ , ಒಂದುವರೆ ತಿಂಗಳ ಅವಧಿಯ ತರಬೇತಿ ಶಿಬಿರವನ್ನು ಚೆನ್ನಪಟ್ಟಣದ ರಾಮನಗರದಲ್ಲಿರುವ ಜಾನಪದ ಲೋಕದಲ್ಲಿ ಕರ್ನಾಟಕ ಜಾನಪದ ಪರಿಷತ್ತು ಹಮ್ಮಿಕೊಂಡಿದೆ.

ಮೂಡಲಪಾಯ ಯಕ್ಷಗಾನ ಭಾಗವತಿಕೆ ಮಾಡುವವರು ರಾಜ್ಯದಲ್ಲಿ ಬೆರೆಳೆಣಿಕೆಯಷ್ಟು ಮಂದಿ ಮಾತ್ರ ಇದ್ದಾರೆ. ಅರಳಗುಪ್ಪೆಯ ಎನ್‌. ಚೆನ್ನ ಬಸವಯ್ಯ ಅವರು ಶಿಬಿರದಲ್ಲಿ ಯಕ್ಷಗಾನದ ಎಲ್ಲ ಮಜಲುಗಳನ್ನೂ ಕಲಿಸಲಿದ್ದಾರೆ. ಮೂಡಲ ಪಾಯ ಯಕ್ಷಗಾನ ಪ್ರಕಾರದ ವೇಷಭೂಷಣಗಳನ್ನು ಸಿದ್ಧ ಪಡಿಸುವ ಬಗ್ಗೆಯೂ ಶಿಬಿರಾರ್ಥಿಗಳಿಗೆ ತಿಳಿಸಿಕೊಡಲಾಗುವುದು.

ಯಕ್ಷಗಾನ ಶಿಬಿರದಲ್ಲಿ ಭಾಗವಹಿಸಲು ಆಸಕ್ತಿ ಇರುವವರು ಸಂಪರ್ಕಿಸಬೇಕಾದ ವಿಳಾಸ- ನಂ. 7, 5ನೇ ಕ್ರಾಸ್‌, 4ನೇ ಬ್ಲಾಕ್‌, ಕುಮಾರ ಪಾರ್ಕ್‌ ಪಶ್ಚಿಮ, ಬೆಂಗಳೂರು - 20, ಫೋನ್‌ : 080- 3314353, 3314645

(ಇನ್ಫೋ ವಾರ್ತೆ)