• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಹಗಲ ಹೂ ಕಾಂತಿ ಕಂದಿಸಿದ ಅಭ್ಯಾಗತ

By Staff
|

ಯುಗಾದಿಗೆ ಹುಣಸೆ ಕಂಡ ತಾಮ್ರದಂತೆ ಬೆಂಗಳೂರು ಫಳಫಳಿಸುತ್ತಿದೆ. ಹೌದು, ಇದು ಯುಗಾದಿಯ ನಂತರದ್ದೇ ಮಳೆ. ಚಾಂದ್ರಮಾನದ ನಂತರ ಏರಿದ್ದ ಬಿಸಿಯನ್ನ ಸೌರಮಾನ ಕಳೆದಿದೆ.

ಭಾನುವಾರ ಹತ್ತರ ನಂತರ ಆಗಸದ ಅಳು ನಿಂತಿದೆ. ಹಗಲ ಹೂ ಸೂರ್ಯ ನಗುತ್ತಿದ್ದಾನೆ. ಆದರೆ, ಸಂಜೆ ಮತ್ತದೇ ಮಳೆ. ಮೂರು ದಿನಗಳ ರಜೆಯ ವಾರಾಂತ್ಯದ ಮೊದಲೆರಡು ದಿನ ಮನೆಯ ರಗ್ಗಿನೊಳಗೇ ಕಳೆದುಹೋದದ್ದು ಹಲವರಿಗೆ ಖುಷಿಯೇನನ್ನೂ ತಂದಿಲ್ಲ . ಗುಡ್‌ ಫ್ರೆೃಡೇ ಡಿನ್ನರ್‌ ಪಾರ್ಟಿ, ಶನಿವಾರದ ರಸಸಂಜೆ , ಈಸ್ಟರ್‌ ಸಂಡೆ ಎಲ್ಲವೂ ಮಳೆಯಲ್ಲಿ ಕೊಚ್ಚಿ ಹೋಯಿತು ಎಂದು ಕೆಲವರು ವಿಷಾದದಿಂದ ನಿಡುಸುಯ್ಲಿಟ್ಟರೆ, ಪ್ರೋಗ್ರಾಂಗಳ ಮನೆ ಹಾಳಾಗಲಿ, ಬೆವರ ಕಮಟನ್ನ ಮಳೆ ತೊಳೆಯಿತಲ್ಲಾ ಎಂಬ ಖುಷಿಯ ನಿಟ್ಟುಸಿರು ಕೆಲವರದು.

ಈ ನಡುವೆ ಮಳೆಯ ಅವಾಂತರಗಳೇನೂ ಕಡಿಮೆಯವಲ್ಲ . ಶೇಷಾದ್ರಿಪುರದ ಸೇತುವೆಯಾಂದರ ನೀರಲ್ಲಿ ಬಿಎಂಟಿಸಿ ಬಸ್ಸನ್ನ ಮುಳುಗಿಸಿ ಒದ್ದಾಡಿದ ಚಾಲಕ, ರಾಜಾಜಿನಗರದಲ್ಲಿ ಧುತ್ತೆಂದು ಮರದ ಟೊಂಗೆ ಬಿದ್ದು ಕಾರು ನುಜ್ಜುಗುಜ್ಜಾದುದನ್ನ ಜೀರ್ಣಿಸಿಕೊಳ್ಳಲಾಗದ ಒಡೆಯ, ಮನೆಗೆ ನೀರು ನುಗ್ಗಿ ಇದ್ದಬದ್ದದ್ದೆಲ್ಲಾ ತೊಳೆದೊಯ್ದದ್ದನ್ನ ರೆಪ್ಪೆ ಮಿಟುಕಿಸದೆ ಕಂಡ ಅಲಸೂರ ಮೂಕ ಪ್ರೇಕ್ಷಕ , ಇವರೆಲ್ಲಾ ಮಳೆಯ ಚಾವಟಿಗೆ ಬಲಿಯಾದವರು. ಇದರೊಂದಿಗೆ ಅನಿಯಮಿತ ವಿದ್ಯುತ್‌ ಕಡಿತದ ಹಾವಳಿ ಬೇರೆ. ಇದಕ್ಕೂ ಮಳೆಯತ್ತಲೇ ಬೆಟ್ಟು . ರವೀಂದ್ರನಾಥ್‌ ಠಾಗೂರ್‌ ನಗರ, ಸದಾಶಿವನಗರ, ವಸಂತನಗರ, ಇಂದಿರಾನಗರ, ಬಸವನಗುಡಿ, ಜಯನಗರ ಹಾಗೂ ಹಳೆ ಮದರಾಸು ರಸ್ತೆ ಪ್ರದೇಶಗಳು ಅನಿಯಮಿತ ವಿದ್ಯುತ್‌ ನಿಲುಗಡೆಯಿಂದ ಬಾಧೆಗೊಳಗಾದವು.

ಬೆಂಗಳೂರಿನಂಥದ್ದೇ ಪರಿಸ್ಥಿತಿ ರಾಜ್ಯದ ಅನೇಕ ಪ್ರದೇಶಗಳಲ್ಲಿ . ವರ್ಷಕ್ಕೊಮ್ಮೆ ಬಂದು ಹೋಗುವ ಅತಿಥಿಯಂತೆ ಕಾಣಿಸಿಕೊಳ್ಳುವ, ಶಿರಾದ ಜಾಜಿಕಟ್ಟೆಗೆ ನೀರಿನ ಸೆಲೆಯಾದ ಹಳ್ಳ ಮೈ ತುಂಬಿಕೊಂಡಿದೆ. ಅಲ್ಲಿಗೆ ಜಾಜಿಕಟ್ಟೆಯನ್ನು ನಂಬಿಕೊಂಡವರು ಈ ಬೇಸಗೆಯಲ್ಲಿ ಬಚಾವಾದರು ಎಂತಲೇ ಅರ್ಥ.

ಈ ನಡುವೆ, ಚಿಕ್ಕಮಗಳೂರು, ಗದಗ, ಚನ್ನಪಟ್ಟಣ, ಸುಬ್ರಹ್ಮಣ್ಯ ಮುಂತಾದ ಊರುಗಳಲ್ಲಿ ಮಳೆ ಮುಂದುವರಿದಿದೆ. ದಿನದ ಗರಿಷ್ಠ ತಾಪಮಾನದಲ್ಲಿ ಗಮನಾರ್ಹ ಇಳಿಕೆಯಾಗಿದೆ. ಸೋಮವಾರ ಕೂಡ ರಾಜ್ಯದ ಆಕಾಶದಲ್ಲಿ ಒಂದಷ್ಟು ಮೋಡಗಳು ತಂಗಿ ಮಳೆಯಾಗಬಹುದೆನ್ನುವ ಲೆಕ್ಕಾಚಾರ ಹವಾಮಾನ ಇಲಾಖೆಯದು. ಅಲ್ಲಿಗೆ ತಂಪುಹವೆ ಮುಂದುವರಿಯಲಿದೆ. ಮಹಾಜನತೆ ಆರಾಮಾಗಿ ರಾತ್ರಿ ಕಳೆಯಬಹುದು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more