ಮುಂದಿನ ವರ್ಷದಿಂದಲೇ ಇಂಟರ್‌ನೆಟ್‌ ದೂರವಾಣಿ ಸೇವೆ

ನವದೆಹಲಿ : 2002ನೇ ಇಸವಿ ವೇಳೆಗೆ ದೇಶಾದ್ಯಂತ ಇಂಟರ್‌ನೆಟ್‌ ದೂರವಾಣಿಗೆ ಅವಕಾಶ ನೀಡಲಾಗುವುದು ಎಂದು ಕೇಂದ್ರ ಸಂಪರ್ಕಖಾತೆ ಸಚಿವ ರಾಮ್‌ವಿಲಾಸ್‌ ಪಾಸ್ವಾನ್‌ ತಿಳಿಸಿದ್ದಾರೆ.

2002ನೇ ಏಪ್ರಿಲ್‌ 1ನೇ ತಾರೀಖಿನ ನಂತರ ದೇಶಾದ್ಯಂತ ಇಂಟರ್‌ನೆಟ್‌ ಫೋನ್‌ ಬಳಕೆಗೆ ಅವಕಾಶ ನೀಡಲಾಗುವುದು ಎಂದು ಪಾಸ್ವಾನ್‌ ತಿಳಿಸಿದ್ದಾರೆ. ಇದಕ್ಕೂ ಮೊದಲು 2004ನೇ ಇಸವಿಗೆ ಮೊದಲು ಇಂಟರ್‌ನೆಟ್‌ ಫೋನ್‌ಗೆ ಅವಕಾಶ ನೀಡಲಾಗುವುದಿಲ್ಲ ಎಂದು ಪ್ರಕಟಿಸಲಾಗಿತ್ತು.

ಪ್ರಸ್ತುತ ಗ್ರಾಮ ಹಾಗೂ ಪಟ್ಟಣಗಳಲ್ಲಿ ಇಂಟರ್‌ನೆಟ್‌ ಲಭ್ಯವಿಲ್ಲ. ಹೀಗಾಗಿ ಈಗ ಇಂಟರ್‌ನೆಟ್‌ ಫೋನ್‌ಗೆ ಅವಕಾಶ ನೀಡಿದರೆ ಅದು, ಇಂಟರ್‌ನೆಟ್‌ ಹೊಂದಿರುವ ಬಳಕೆದಾರರಿಗೆ ಮಾತ್ರ ಅನುಕೂಲವಾಗುತ್ತದೆ. ಆದಕಾರಣ ಎಲ್ಲ ಗ್ರಾಮಗಳಿಗೆ ಹಾಗೂ ಪಟ್ಟಣಗಳಿಗೆ ಇಂಟರ್‌ನೆಟ್‌ ಸೌಲಭ್ಯ ದೊರೆತ ಬಳಿಕ ನಾವು ಇಂಟರ್‌ನೆಟ್‌ ಫೋನ್‌ ಬಳಕೆಗೆ ಅವಕಾಶ ನೀಡುತ್ತೇವೆ ಎಂದರು.

ಇತ್ತೀಚೆಗಷ್ಟೇ ಸಮಿತಿಯಾಂದು ಪ್ರಧಾನಿ ಅಟಲ್‌ ಬಿಹಾರಿ ವಾಜಪೇಯಿ ಅವರಿಗೆ, ಇಂಟರ್‌ನೆಟ್‌ ಮೂಲಕ ಸಂಭಾಷಣೆ ನಡೆಸಲು ಅವಕಾಶ ನೀಡಬೇಕು ಎಂಬ ಸಲಹೆ ಮಾಡಿತ್ತು ಎಂಬುದನ್ನು ಇಲ್ಲಿ ಸ್ಮರಿಸಬಹುದು. ಈ ಸೇವೆಯ ಅನುಷ್ಠಾನದಿಂದ ದೂರದ ಪ್ರದೇಶಗಳ ಕರೆಗಳ ದರ ಗಮನಾರ್ಹವಾಗಿ ತಗ್ಗಲಿದೆ.