ಕರ್ನಾಟಕ ವಿವಿ ಯಲ್ಲಿ ಹೊಸ ಐಟಿ ಕೋರ್ಸು
ಧಾರವಾಡ : ಬರುವ ಶೈಕ್ಷಣಿಕ ವರ್ಷದಿಂದ ಮಾಹಿತಿ ತಂತ್ರಜ್ಞಾನ ವಿಜ್ಞಾನ ವಿಷಯದ 4 ವರ್ಷ ಅವಧಿಯ ಪದವಿ ತರಗತಿಯನ್ನು ಪ್ರಾರಂಭಿಸಲು ಕರ್ನಾಟಕ ವಿಶ್ವ ವಿದ್ಯಾಲಯ ಶಿಕ್ಷಣ ಸಮಿತಿ ಶನಿವಾರ ನಿರ್ಧರಿಸಿದೆ.
ಬದಲಾಗುತ್ತಿರುವ ಸ್ಥಿತಿಗೆ ಅನುಗುಣವಾಗಿ ಇಂಗ್ಲಿಷ್ ಪಠ್ಯದಲ್ಲಿ ಸುಧಾರಣೆ ತಂದು, ಹೊಸ ಪಠ್ಯ ಕ್ರಮ ಜಾರಿಗೆ ತರಲೂ ಸಮಿತಿ ತೀರ್ಮಾನಿಸಿದೆ. ಕರ್ನಾಟಕ ವಿಶ್ವ ವಿದ್ಯಾಲಯದ ಉಪ ಕುಲಪತಿ ಎ.ಎನ್.ಪತನ್ ಸಮಿತಿ ಸಭೆಯಲ್ಲಿ ಈ ವಿಷಯ ತಿಳಿಸಿದರು.
ಪದವಿ ಪೂರ್ವ ಶಿಕ್ಷಣ ಮುಗಿಸಿದ ವಿದ್ಯಾರ್ಥಿಗಳು 4 ವರ್ಷದ ಮಾಹಿತಿ ತಂತ್ರಜ್ಞಾನ ಪದವಿ ತರಗತಿಗೆ ಸೇರಬಹುದಾಗಿದೆ. 8 ಸೆಮಿಸ್ಟರ್ಗಳಲ್ಲಿ ಕೋರ್ಸನ್ನು ರೂಪಿಸಲಾಗಿದೆ. ಇತರೆ ಭಾಷಾ ವಿಷಯಗಳ ಪಠ್ಯಗಳನ್ನೂ ಪರಿಷ್ಕರಿಸಿ, ಸುಧಾರಣೆ ತರುವಂತೆ ಸಭೆಯಲ್ಲಿ ಮನವಿ ಬಂದಿದ್ದು, ಅದರ ಬಗೆಗೂ ಗಮನ ಹರಿಸಲಾಗುವುದು. ಮಾಹಿತಿ ತಂತ್ರಜ್ಞಾನದ ಈ ಹೊಸ ಕೋರ್ಸನ್ನು ಬರುವ ಶೈಕ್ಷಣಿಕ ವರ್ಷದಿಂದಲೇ ನಾವು ಪ್ರಾರಂಭಿಸಬೇಕೆಂದಿದ್ದೇವೆ. ಬೇರೆ ಕಾಲೇಜುಗಳೂ ಈ ಕೋರ್ಸು ಶುರು ಮಾಡಲು ಮುಂದೆ ಬಂದರೆ ಅವರಿಗೂ ಅವಕಾಶ ನೀಡಲಾಗುವುದು ಎಂದು ಪತನ್ ಹೇಳಿದರು.
(ಯುಎನ್ಐ)