4 ಪಾಲಿಕೆ ಸೇರಿದಂತೆ ಸ್ಥಳೀಯ ಸಂಸ್ಥೆಗಳಿಗೆ ಜ.28ರಂದು ಮತದಾನ

ಬೆಂಗಳೂರು : ರಾಜ್ಯದ ನಾಲ್ಕು ನಗರಪಾಲಿಕೆಗಳೂ ಸೇರಿದಂತೆ 147 ಸ್ಥಳೀಯ ಸಂಸ್ಥೆಗಳ ಚುನಾವಣೆಯನ್ನು ಜನವರಿ 28ರಂದು ನಡೆಸಲಾಗುವುದೆಂದು ರಾಜ್ಯ ಚುನಾವಣೆ ಆಯೋಗ ಶನಿವಾರ ತಿಳಿಸಿದೆ.

ಈ ಸಂಬಂಧ ಸದ್ಯದಲ್ಲೇ ಅಧಿಕೃತವಾಗಿ ಅಧಿಸೂಚನೆಯನ್ನು ಹೊರಡಿಸಲಾಗುವುದು. ವೇಳಾಪಟ್ಟಿಯ ರೀತ್ಯ ನಾಮಪತ್ರ ಸಲ್ಲಿಕೆ, ಪರಿಶೀಲನೆ ಹಾಗೂ ಉಮೇದುವಾರಿಕೆಯನ್ನು ಹಿಂದಕ್ಕೆ ಪಡೆಯುವ ಎಲ್ಲ ಪ್ರಕ್ರಿಯೆಗಳೂ ಜನವರಿ 15ರೊಳಗೆ ಮುಗಿಯಲಿದ್ದು, ಜನವರಿ 28ರ ಬೆಳಗ್ಗೆ 7ರಿಂದ ಸಂಜೆ 5 ಗಂಟೆವರೆಗೆ ಮತದಾನ ನಡೆಯಲಿದೆ. 29ರಂದು ಬೆಳಗ್ಗೆ ಮತಗಳ ಎಣಿಕೆ ಆಯಾ ತಾಲೂಕು ಕೇಂದ್ರಗಳಲ್ಲಿ ನಡೆಯಲಿದೆ ಎಂದು ರಾಜ್ಯ ಚುನಾವಣೆ ಆಯೋಗದ ಮುಖ್ಯಸ್ಥ ಮುನಿಯಪ್ಪ ಅವರು ಶನಿವಾರ ಇಲ್ಲಿ ಮಾಧ್ಯಮ ಪ್ರತಿನಿಧಿಗಳಿಗೆ ತಿಳಿಸಿದ್ದಾರೆ.

ಬೆಲೆ ಏರಿಕೆ ಬಿಸಿ : ರಾಜ್ಯ ಸರಕಾರ ವಿದ್ಯುತ್‌ ದರವನ್ನು ಶೇ.17ರಷ್ಟು ಏರಿಸಲು ತೀರ್ಮಾನಿಸಿರುವ ಕಾರಣ ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲಿ ಆಡಳಿತಾರೂಢ ಕಾಂಗ್ರೆಸ್‌ ಸರಕಾರಕ್ಕೆ ಪೆಟ್ಟು ಬೀಳಲಿದೆ ಎಂದು ನಿರೀಕ್ಷಿಸಲಾಗಿದ್ದು, ಇದರ ಲಾಭ ಪಡೆಯಲು ಪ್ರತಿಪಕ್ಷಗಳು ಶಕ್ತಿ ಮೀರಿ ಪ್ರಯತ್ನಿಸಲಿವೆ.

ಈ ಮಧ್ಯೆ ಜಲ ಮಂಡಳಿ ಸಹ ನೀರಿನ ದರ ಏರಿಸಲು ಸರಕಾರವನ್ನು ಕೋರಿದೆ. ಗ್ಯಾಸ್‌, ಸೀಮೆಎಣ್ಣೆ ಸೇರಿದಂತೆ ಪೆಟ್ರೋಲಿಯಂ ಉತ್ಪನ್ನಗಳ ಬೆಳೆ ಏರಿಕೆಯಿಂದ ತತ್ತರಿಸಿರುವ ಕರ್ನಾಟಕದ ಜನತೆಗೆ ರಾಜ್ಯಸರಕಾರ ನೀಡಿರುವ ವಿದ್ಯುದಾಘಾತಕ್ಕೆ ಮತದಾರರು ಹೇಗೆ ಸ್ಪಂದಿಸುತ್ತಾರೆ ಎಂಬುದನ್ನು ಕಾದು ನೋಡಬೇಕು.

ಮುಖಪುಟ / ಇವತ್ತು... ಈ ಹೊತ್ತು...