For Daily Alerts
ಏಸುದಾಸ್ಗೆ ಸೀತಾದೇವಿ ಪ್ರತಿಷ್ಠಾನ ಪ್ರಶಸ್ತಿ
ವಿಜಯವಾಡ : ಖ್ಯಾತ ಗಾಯಕ ಕೆ.ಜೆ. ಏಸುದಾಸ್ ಅವರಿಗೆ 2000ನೇ ಸಾಲಿನ ಪಿನ್ನಾಮನೇನಿ ಸೀತಾದೇವಿ ಪ್ರತಿಷ್ಠಾನದ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿದೆ. ಭಾನುವಾರ ರಾತ್ರಿ ನಡೆದ ಸಮಾರಂಭದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ಸಂಗೀತ ಕ್ಷೇತ್ರಕ್ಕೆ ಏಸುದಾಸ್ ನೀಡಿರುವ ಗಣನೀಯ ಕೊಡುಗೆಯನ್ನು ಗೌರವಿಸಿ ಈ ಪ್ರಶಸ್ತಿಯನ್ನು ನೀಡಲಾಗಿದೆ. ಸೀತಾದೇವಿ ಪ್ರತಿಷ್ಠಾನದ ಪ್ರಶಸ್ತಿ ಪಡೆದವರ ಪೈಕಿ ಏಸುದಾಸ್ 17ನೆಯವರು. ಸಂಗೀತ ಕ್ಷೇತ್ರದಲ್ಲಿ ಲತಾ ಮಂಗೇಷ್ಕರ್ ಹಾಗೂ ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಅವರಿಗೆ ಈ ಮೊದಲು ಪ್ರಶಸ್ತಿ ನೀಡಲಾಗಿತ್ತು.
ಈ ಪ್ರಶಸ್ತಿಯನ್ನು ಪಡೆದ ಮೂರನೇಯ ಸಂಗೀತಗಾರ ಎಂಬ ಖ್ಯಾತಿಗೆ ಏಸುದಾಸ್ ಪಾತ್ರರಾಗಿದ್ದಾರೆ. ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಏಸುದಾಸ್ ಅವರು, ಅಸಂಬದ್ಧ ಗೀತೆಗಳಿಂದ ಚಲನಚಿತ್ರ ಗೀತೆಗಳು ಕಲುಷಿತಗೊಳ್ಳುತ್ತಿವೆ ಎಂದು ವಿಷಾದಿಸಿದರು. ಪ್ರಶಸ್ತಿ ಪ್ರದಾನ ಸಮಾರಂಭದ ನಂತರ ಏಸುದಾಸ್ ಅವರ ಸಂಗೀತ ಕಚೇರಿಯೂ ನಡೆಯಿತು.
Story first published: Sunday, December 24, 2000, 5:30 [IST]