ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಜಮೀನಿನ ವಿಚಾರಕ್ಕೆ ತಲೆ ಕೆಡಿಕೊಂಡಿದ್ದೀರಿ. ಚಿಂತೆ ಬೇಡ, ಕೋರ್ಟಿನಲ್ಲಿ ನಿಮಗೇ ಜಯ. ಹೊಸ ವ್ಯಾಪಾರ ಪ್ರಾರಂಭಿಸುವ ಯೋಚನೆ ಇದ್ದರೆ ಸದ್ಯಕ್ಕೆ ಬಿಟ್ಟುಬಿಡಿ.

ವೃಷಭ : ನಿಮ್ಮ ಪ್ರಪೋಸಲ್‌ಗೆ ಇವತ್ತು ಅಸ್ತು ಸಿಕ್ಕುತ್ತದೆ. ಹಾಗಂತ ವಿಪರೀತ ಭಾವುಕರಾಗದೆ, ಅದನ್ನು ಉಳಿಸಿಕೊಂಡು ಹೋಗುವ ಬಗೆಗೆ ಗಮನವಿರಲಿ.

ಮಿಥುನ : ಒಂದಾದ ಮೇಲೊಂದರಂತೆ ಎರಗುತ್ತಿರುವ ಕಷ್ಟಗಳು ಮಂಕು ಕವಿಸಿವೆ. ಯಾರೊಬ್ಬರನ್ನಾದರೂ ನಂಬಿ. ಎಲ್ಲವನ್ನೂ ಅವರ ಹತ್ತಿರ ಹೇಳಿಕೊಂಡು ಹೃದಯ ಹಗುರ ಮಾಡಿಕೊಳ್ಳಿ.

ಕಟಕ : ಅನಿರೀಕ್ಷಿತ ಹೊಸತುಗಳು ನಿಮ್ಮದಾಗಲಿವೆ. ಹಳೆಯ ಚಿಂತೆ ಬದಿಗೊತ್ತಿ, ನಾಳಿನ ಬಗೆಗೆ ಯೋಚಿಸಿ.

ಸಿಂಹ : ಕುಟುಂಬದವರೆಲ್ಲಾ ನಿಮ್ಮನ್ನು ಹೀಗಳೆಯುವ ದಿನ. ಕೆಲ ದಿನಗಳಿಂದ ಕಚೇರಿ ಕೆಲಸದಲ್ಲೇ ಮುಳುಗಿರುವ ನಿಮ್ಮಂಥವರಿಗೆ ಇದು ಮಾಮೂಲು. ನೆಟ್ಟ ಬಾಣದ ಗುರಿ ಬದಲಿಸಬೇಡಿ.

ಕನ್ಯಾ : ಯಾರದೋ ಸಮಸ್ಯೆ ಬಿಡಿಸಲು ಹೋಗಿ ನೀವೇ ತಗಲಿ ಹಾಕಿಕೊಂಡಿದ್ದೀರಿ. ಇದೊಂದು ದೊಡ್ಡ ಪಾಠ. ಎರಡು ದಿನ ರಜಾ ಹಾಕಿ ಎಲ್ಲಾದರೂ ಸುತ್ತಿ ಬನ್ನಿ.

ತುಲಾ : ಬಹುದಿನಗಳಿಂದ ನೀವು ನಿರೀಕ್ಷಿಸುತ್ತಿರುವ ಗೆಳೆಯನ ಭೇಟಿ. ನಿಮ್ಮ ಕಾರ್ಯಕ್ರಮಗಳು ಅಂದುಕೊಂಡಂತೆ ನಡೆಯದಿದ್ದರೂ ಅದರಿಂದ ನಿಮಗೇ ಒಳಿತೇ ಆಗಲಿದೆ.

ವೃಶ್ಚಿಕ : ತಲೆ ಒಡೆದು ತಿನ್ನುವ ಯೋಚನೆ ಕೊರೆಯುತ್ತಿದೆ. ಬಿಟ್ಟುಬಿಡಿ. ಹಾಗೆ ಸಿಕ್ಕುವುದು ನಿಮಗೆ ದಕ್ಕದು. ವೃಥಾ ಹುಚ್ಚು ನಿರ್ಧಾರ ಬೇಡ.

ಧನಸ್ಸು : ಅದಾವುದೋ ಹೊಸ ಷೇರು ಕೊಳ್ಳಬೇಕೆಂದಿದ್ದೀರಲ್ಲ. ಬೇಡ. ಹಣವನ್ನು ಬೇರೆಡೆ ತೊಡಗಿಸಿ.

ಮಕರ : ಎಲ್ಲಾ ಉಂಟು, ನೆಮ್ಮದಿ ಇಲ್ಲ. ಸಂಜೆ ಒಂದೆರಡು ತಾಸು ಬಿಡುವು ಮಾಡಿಕೊಂಡು, ಹೆಂಡತಿ ಮಕ್ಕಳ ಜೊತೆ ದೇವಸ್ಥಾನಕ್ಕೆ ಹೋಗಿ.

ಕುಂಭ : ಲಲಿತ ಕಲೆಯ ಪೂರ್ಣ ಸಿದ್ಧಿ. ಬಹು ದಿನಗಳ ಅನಾರೋಗ್ಯ ಸಮಸ್ಯೆ ನಿವಾರಣೆ. ಹೊಸ ಕೆಲಸದ ಆಫರ್‌.

ಮೀನ : ಎರಡನ್ನು ಹತ್ತು ಮಾಡಿ, ಬೊಬ್ಬೆ ಹೊಡೆಯೋದು ಬೇಡ. ನೀವು ಮಾಡುವ ನೇಮಗಳನ್ನು ನೀವೇ ಮೀರುವುದರಿಂದ ವ್ಯವಸ್ಥೆಯ ಮೇಲೆ ಕೆಟ್ಟ ಪರಿಣಾಮ. ಆಡಿದಂತೆ ನಡೆದಲ್ಲಿ ಎಲ್ಲಾ ಸಮಸ್ಯೆ ಬಗೆಹರಿದೀತು.