ವಿದೇಶೀ ಕರೆನ್ಸಿ ಮೀಸಲು ಏರಿಕೆ : ಆರ್‌.ಬಿ.ಐ. ವಾರದ ವರದಿ

ವಿದೇಶೀ ಕರೆನ್ಸಿ ಆಸ್ತಿ ಕೂಡ ಹೆಚ್ಚಾಗಿದ್ದು, ಮೇಲ್ಕಂಡ ವಾರದಲ್ಲಿ 445 ದಶಲಕ್ಷ ಆಮೆರಿಕನ್‌ ಡಾಲರ್‌ಗಳಷ್ಟು ಏರಿಕೆ ದಾಖಲಿಸಿದೆ. ಒಟ್ಟು ಆಸ್ತಿಯ ಮೊತ್ತ 36722 ದಶಲಕ್ಷ ಡಾಲರ್‌ಗಳಿಗೆ ಏರಿದೆ. ಈ ವಿಷಯವನ್ನು ಭಾರತೀಯ ರಿಸರ್ವ್‌ ಬ್ಯಾಂಕ್‌ ತನ್ನ ವಾರದ ವರದಿಯಲ್ಲಿ ಬಹಿರಂಗಪಡಿಸಿದೆ.

ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾದ ಮಿಲಿನಿಯಮ್‌ ಠೇವಣಿ ಯೋಜನೆಯಲ್ಲಿ ಹೆಚ್ಚಿನ ಠೇವಣಿ ಸಂಗ್ರಹದಿಂದಾಗಿ ಈ ಏರಿಕೆ ಕಂಡು ಬಂದಿದೆ. ಚಿನ್ನದ ಮೀಸಲು ಕೂಡ ಏರಿಕೆಯಾಗಿದ್ದು, 27752 ದಶಲಕ್ಷ ಡಾಲರ್‌ಗಳಿಗೆ ಹೆಚ್ಚಿದೆ. ಭಾರತೀಯ ರಿಸರ್ವ್‌ ಬ್ಯಾಂಕ್‌ ಕೇಂದ್ರ ಸರಕಾರಕ್ಕೆ ನೀಡುವ ಸಾಲ ಹಾಗೂ ಮುಂಗಡ 2221 ಕೋಟಿ ರುಪಾಯಿಗಳಿಗೆ ಏರಿಕೆಯಾಗಿದೆ. ಅಲ್ಲದೆ ಸಾಲದ ಪ್ರಮಾಣ 7226 ಕೋಟಿ ರುಪಾಯಿಗಳಿಗೆ ಏರಿದೆ. ರಾಜ್ಯಗಳಿಗೆ ನೀಡುವ ಸಾಲ 1124 ಕೋಟಿ ರುಪಾಯಿಗೆ ಏರಿಕೆಯಾಗಿದ್ದು, 4090 ಕೋಟಿ ರುಪಾಯಿ ಹೆಚ್ಚಿದೆೆ.