• search

ತಾಯ್ನಾಡಿನ ಋಣ ತೀರಿಸಿದೆ - ಶತಕ ವೀರ ಬ್ರಿಯಾನ್‌ ಲಾರಾ

Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಅಡಿಲೇಡ್‌ : ಅಂತೂ ಬ್ರಿಯಾನ್‌ ಲಾರಾ ತಮ್ಮ ವೈಫಲ್ಯದ ಸುಳಿಯಿಂದ ಹೊರ ಬಂದಿದ್ದಾರೆ. ಅವರದ್ದು ಫೀನಿಕ್ಸ್‌ ಹುಟ್ಟು . ಮೊದಲೆರಡು ಟೆಸ್ಟ್‌ಗಳಲ್ಲಿ ಮೆಕ್‌ಗ್ರಾತ್‌ ವೇಗಕ್ಕೆ ದಯನೀಯ ತುತ್ತಾಗಿದ್ದ ಲಾರಾ ಸೇಡು ತೀರಿಸಿಕೊಂಡಿದ್ದಾರೆ. ಅವರ ಅಜೇಯ 136 ರನ್‌ಗಳಿಂದಾಗಿಯೇ ವಿಂಡೀಸ್‌ ತಂಡ ಶುಕ್ರವಾರ ಪ್ರಾರಂಭವಾದ ಮೂರನೇ ಟೆಸ್ಟ್‌ ನ ಮೊದಲನೇ ದಿನದ ಕೊನೆಗೆ 4 ವಿಕೆಟ್‌ ನಷ್ಟಕ್ಕೆ 274 ರನ್‌ ಗಳಿಸಲು ಶಕ್ತವಾಯಿತು. ಇದು ಪ್ರಸಕ್ತ ಟೂರ್ನಿಯಲ್ಲಿ ವಿಂಡೀಸ್‌ನ ಅಧಿಕ ಮೊತ್ತ .

    ನಾನು ತಾಯ್ನಾಡಿನ ಋಣ ತೀರಿಸಿದೆ. ದಿನದ ಕೊನೆಗೆ ಯಶಸ್ಸನ್ನು ಮಾತುಗಳಲ್ಲಿ ಹಂಚಿಕೊಂಡ ಲಾರಾ ವರಸೆಯಿದು. ನಾವು ಅತೀವ ಒತ್ತಡದಲ್ಲಿದ್ದೆವು. ಆದರೆ, ಅದನ್ನು ದಾಟುವಲ್ಲಿ ಯಶಸ್ವಿಯಾಗಿದ್ದೇವೆ ಎಂದರು. ಅವರ 136 ರನ್‌ಗಳಲ್ಲಿ 21 ಬೌಂಡರಿಗಳು ಹಾಗೂ 1 ಭರ್ಜರಿ ಸಿಕ್ಸರ್‌ ಇತ್ತು . ಅವರ ಬ್ಯಾಟಿಂಗ್‌ ಭರಾಟೆಯೆದುರು ಮೆಕ್‌ಗ್ರಾತ್‌ ಮಂಕಾದರು. ಈ ಮೊದಲ ನಾಲ್ಕು ಇನಿಂಗ್ಸ್‌ಗಳಲ್ಲಿ ಎರಡು ಶೂನ್ಯ ಸೇರಿದಂತೆ 21 ರನ್‌ಗಳನ್ನು ಲಾರಾ ಗಳಿಸಿದ್ದರು. ಕಳೆದ ವಾರ ತಾನೇ ಅವರು ಆಸ್ಟ್ರೇಲಿಯಾ ಎ ತಂಡದ ವಿರುದ್ಧ ದ್ವಿಶತಕ ಗಳಿಸಿದ್ದರು.

    ಲಾರಾ ಅವರಿಗೆ ತಂಡದ ನಾಯಕ ಜಿಮ್ಮಿ ಆ್ಯಡಂಸ್‌ ಉತ್ತಮ ಬೆಂಬಲ ನೀಡಿದರು. ಅವರು 49 ರನ್‌ ಗಳಿಸಿ ಔಟಾದರು. ಉಳಿದಂತೆ ಕ್ಯಾಂಬೆಲ್‌ 18, ಗಂಗಾ 23 ಹಾಗೂ ಹಿಂಡ್ಸ್‌ 27 ರನ್‌ ಗಳಿಸಿದರು. ಬಿದ್ದ ನಾಲ್ಕೂ ವಿಕೆಟ್‌ಗಳನ್ನು ಗಿಲೆಸ್ಪಿ ಗಿಟ್ಟಿಸಿದರು.

    (ಯುಎನ್‌ಐ)

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more