ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಹೊಸ ಆರ್ಥಿಕ ಸಂಬಂಧಗಳು ಕಾಲಿಗೆ ತೊಡರುವ ಬಳ್ಳಿಗಳಾಗುತ್ತವೆ. ಆಯ್ದುಕೊಳ್ಳುವಲ್ಲಿ ಜಾಣತನ ತೋರಿಸಿ. ಈ ದಿನ ಗುರು ಕರುಣೆ ಪೂರ್ಣವಾಗಿ ನಿಮಗಿದೆ.

ವೃಷಭ : ವಿದ್ಯಾಭ್ಯಾಸದಲ್ಲಿ ಅನಿರೀಕ್ಷಿತ ಹಿನ್ನಡೆಯಾಗುವ ಸಾಧ್ಯತೆಯಿದೆ. ಅಚ್ಚರಿಗಳೇ ಎದುರಾಗುವ ಇಂದು ಅನಪೇಕ್ಷಿತ ಪ್ರಯಾಣ ಯೋಗವೂ ಉಂಟು.

ಮಿಥುನ : ಪ್ರಯಾಣದ ಆಯಾಸ ಕಡಿಮೆಯಾಗುವ ಮುನ್ನವೇ ಮತ್ತೊಂದು ಪ್ರಯಾಣದ ಬಗೆಗಿನ ನಿಮ್ಮ ಯೋಚನೆ ಈಡೇರುವುದು ಕಷ್ಟ . ಆಫೀಸಿನಲ್ಲಿ ಒತ್ತಡದ ದಿನ.

ಕಟಕ : ಸುಖಾಸುಮ್ಮನೆ ಬೇಸರಿಸಿಕೊಂಡರೆ ನಿಮ್ಮನ್ನು ಓಲೈಸುವಷ್ಟು ತಾಳ್ಮೆ ಯಾರಿಗೂ ಇಲ್ಲ . ಹೊಂದಿಕೊಂಡು ಹೋದರೆ ಸ್ವರ್ಗ ಸುಖ ನೆನಪಿಡಿ.

ಸಿಂಹ :ಭೂಮಿ ಕಾಣಿ ಕೊಳ್ಳುವ ಅಮೃತ ಗಳಿಗೆ ನಿಮಗಿಂದು ಕಾದಿದೆ. ನೀವು ನೆಟ್ಟ ಸಸಿಯೆಲ್ಲಾ ಹೂ ಬಿಟ್ಟು ಹಬ್ಬುವ ದಿನ, ಅದೃಷ್ಟವಂತರು.

ಕನ್ಯಾ :ಕೋರ್ಟ್‌ ವ್ಯವಹಾರದಲ್ಲಿ ಸ್ವಲ್ಪ ಅಡಚಣೆ ಎದುರಾಗಬಹುದು. ಅಷ್ಟಕ್ಕೆ ಹಿಂಜರಿದು ಹೋರಾಟ ಕೈ ಬಿಡಬೇಡಿ. ಸತತ ಪ್ರಯತ್ನದಿಂದ ದೀರ್ಘ ಕಾಲದ ಹಾದಿಯಲ್ಲಿ ಗುರಿ ಮುಟ್ಟುವುದು ಖಂಡಿತ.

ತುಲಾ : ಬಂಧುಗಳೊಂದಿಗೆ ಬೆರೆಯುವ ದಿನ. ನಿಮ್ಮ ಪ್ರಗತಿ ಕುರಿತು ಅವರು ಸಂತೋಷ ವ್ಯಕ್ತಪಡಿಸಿದರೂ, ಕಾಣದ ಮುಖದ ಬಗ್ಗೆ ಎಚ್ಚರಿಕೆ ವಹಿಸಿ.

ವೃಶ್ಚಿಕ : ಸಹೋದರನಿಗೆ ಅನಾರೋಗ್ಯ. ನಿಮ್ಮ ಸಮಸ್ಯೆಗಳು ತಾತ್ಕಾಲಿಕವಾದವು. ಇಷ್ಟದೈವ ಹಾಗೂ ಕುಲದೇವರನ್ನು ಪ್ರಾರ್ಥಿಸಿ.

ಧನಸ್ಸು : ಷೇರು ಕೊಳ್ಳಬೇಕೆಂದು ಮನಸ್ಸಿನಲ್ಲೇ ಮಂಡಿಗೆ ತಿನ್ನುತ್ತಿದ್ದೀರಾ. ಇಂದೇ ಕೊಂಡು ಬಿಡಿ. ನಿಮ್ಮ ಯಶಸ್ಸಿನ ಗಳಿಗೆಗಳು ಮುಂದುವರಿದಿವೆ.

ಮಕರ : ಅನಗತ್ಯ ವಿವಾದ ಸೃಷ್ಟಿಯಾದೀತೆಂದು ಚರ್ಚೆಗೆ ಬೆನ್ನು ಹಾಕುತ್ತಿದ್ದೀರಿ. ಆದರೂ, ಗೆಲುವು ನಿಮ್ಮ ಬೆನ್ನಟ್ಟಿದೆ. ಇಂದು ಸಂಧಾನಕಾರನಾಗುವ ಅವಕಾಶ ಬಂದರೆ ಅಧಿಕಾರವನ್ನು ಚಲಾಯಿಸಿಬಿಡಿ .

ಕುಂಭ : ನಿಮ್ಮ ಯೋಚನೆ ಹಾಗೂ ಕಲ್ಪನೆ ಭೂಮಿಗೆ ಹತ್ತಿರದಲ್ಲೇ ಇರುವುದರಿಂದ ಸಹವರ್ತಿಗಳ ಮಾತಿಗೆ ಕಿವಿಕೊಡಬೇಡಿ. ಥರಗುಟ್ಟಿಸುವ ಚಳಿ, ಆರೋಗ್ಯದ ಬಗ್ಗೆ ಜಾಗರೂಕತೆ ಅಗತ್ಯ.

ಮೀನ : ಹೊಸ ಸವಾಲಿಗೆ ತೆರೆದುಕೊಳ್ಳಲು ಸಿದ್ಧರಾಗಿದ್ದೀರಿ. ಅಲ್ಲಿನ ಯಶಸ್ಸು ನೀವು ಅದೃಷ್ಟವಂತರು ಎನ್ನುವುದನ್ನು ಮತ್ತೊಮ್ಮೆ ಸಾಬೀತುಪಡಿಸುತ್ತದೆ.