• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಹೂ, ಎಲೆಗಳ ಮೇಲೆ ಮುತ್ತು ಎಣಿಸಿದಿರಾ?

By Staff
|

ಬೆಂಗಳೂರು : ಬೆಂಗಳೂರಲ್ಲಿ ಕನಿಷ್ಠ ತಾಪಮಾನ 14ಕ್ಕೆ ಇಳಿದಿದ್ರೆ, ಗುಲ್ಬರ್ಗಾದಲ್ಲಿ 10.8 ಡಿಗ್ರಿ ಆಗಿದೆ. ಶಾಲು ಹೊದಿಯಲು, ಸನ್ಮಾನ ಸಮಾರಂಭದಲ್ಲಿ ಶಾಲು ಹೊದಿಸಲು ಇದಕ್ಕಿಂತಲೂ ಸೂಕ್ತ ಕಾಲ ಇನ್ನೊಂದಿದೆಯೇ?

ಬೆಳಗ್ಗೆ ಬೆಡ್‌ಕಾಫಿಗೆ ಹಾಲು ಒದಗಿಸುವ ಹಾಲಪ್ಪ, ಪೇಪರ್‌ ಹಾಕುವ ಹುಡುಗ ಇಬ್ಬರೂ ಕೆಲವು ದಿನದಿಂದ ಬರ್ತಾ ಇರೋದು ಎಂದಿಗಿಂತ ತಡವಾಗೆ. ಪಾಪ ಅವರು ತಾನೆ ಏನು ಮಾಡ್ತಾರೆ ಹೇಳಿ. ಕೊರೆವ ಚಳಿ ಹಾಸಿಗಿಯಿಂದ ಏಳದಂತೆ ಮುದುರಿ ಮಲಗುವಂತೆ ಮಾಡಿದೆ.

9 ಗಂಟೆಗೆ ಆಫೀಸಿದ್ಯಲ್ಲ ಅಂತ ಅಟ್‌ಲೀಸ್ಟ್‌ 8ಕ್ಕಾದ್ರೂ ಎದ್ದು, ಷೇವ್‌ ಮಾಡಿ, ಬೂಟು, ಟೈ ಕಟ್ಟಿ , ಸ್ಕೂಟರ್‌ ಸ್ಟಾರ್ಟ್‌ ಮಾಡಿ ಬೀದಿಗಿಳಿದ್ರೆ, ಕಾಣದ ಸೂರ್ಯ, ಬೀಸುವ ಗಾಳಿ, ಸುರಿವ ಹಿಮ ಮತ್ತೆ ಮನೆಗೆ ಹೋಗಿ ಮುಸುಕು ಹಾಕಿ ಮಲಗು ಅಂತ ಅಪ್ಪಣೆ ಕೊಡಿಸ್ತಿರತ್ತೆ. ಆದ್ರೆ ವಿಧಿ ಇಲ್ಲವಲ್ಲ ಆಫೀಸ್‌ಗೆ ಹೋಗ್ಲೇ ಬೇಕು. 4 ಗಂಟೆಗೆ ಎದ್ದು ಪೇಪರ್‌ ಹಾಕುವ ಹುಡುಗನ್ನ, 6ಗಂಟೆಗೇ ಫ್ಯಾಕ್ಟರಿಗೋ ಹೋಗುವ ಪಕ್ಕದ ಮನೆಯವರನ್ನ ನೋಡಿ ನಮ್ದೇ ಪರವಾಗಿಲ್ಲ ಅಂತ ಸಮಾಧಾನ ಪಟ್ಟುಕೊಂಡು ಬೇರೆ ವಾಹನಗಳ ಹೊಗೆ ಕುಡೀತ ಹಳ್ಳ ಕೊಳ್ಳದ ಟಾರು ರಸ್ತೆಯಲ್ಲಿ ಸಾಗೋದೇ ಬದುಕಾಗಿದೆ.

ಇಂದು ಆದದ್ದೂ ಅದೇ, ಚಳಿಗೆ ಕೈಯೆಲ್ಲಾ ಕೊರೀತಿತ್ತು, ಮರಗಟ್ಟಿದಂತೆ ಆಗ್ತಿತ್ತು. ಸೂರ್ಯನೂ ರೆಸ್ಟ್‌ ತಗೊಂಡು ವಾತಾವರಣ ಬಿಸಿ ಮಾಡಿದ್ದು, ಬಹುತೇಕ 11 ಗಂಟೆ ಹೊತ್ಗೆ.

ಅಂದ ಹಾಗೆ ರಾಜ್ಯದಲ್ಲಿ ಕಳೆದ 24 ಗಂಟೆಗಳ ಅವಧಿಯಲ್ಲಿ ಒಣಹವೆ ಇತ್ತು. ದಕ್ಷಿಣ ಒಳನಾಡಿನ ಕೆಲವು ಕಡೆ ಕನಿಷ್ಠ ಉಷ್ಣಾಂಶ ಇಳಿದಿತ್ತು. ಉತ್ತರ ಒಳನಾಡು ಹಾಗೂ ಕರಾವಳೀಲಿ ಅಲ್ಪ ಬದಲಾವಣೆ ಕಂಡು ಬಂತು. ರಾಜ್ಯದ ಕನಿಷ್ಠ ತಾಪಮಾನ ಗುಲ್ಬರ್ಗಾದಲ್ಲಿ 10.8 ಡಿಗ್ರಿ ಸೆಲ್ಸಿಯಸ್‌ ದಾಖಲಾಗಿತ್ತು. ಮುನ್ಸೂಚನೆ ರೀತ್ಯ ರಾಜ್ಯದಲ್ಲಿ ಒಣಹವೆ ಇರತ್ತೆ. ಬೆಂಗಳೂರು ಹಾಗೂ ಸುತ್ತ ಮುತ್ತ ನಿರ್ಮಲ ಆಕಾಶ ಇದ್ದು, ಮುಂಜಾನೆ ಮಂಜು ಅಥವಾ ಇಬ್ಬನಿ ಸುರಿಯತ್ತೆ. ಅರಳಿದ ಹೂಗಳ ಮೇಲೆ, ಗಿಡದ ಎಲೆಗಳ ಮೇಲೆ ಸೂರ್ಯ ಹುಟ್ಟುವ ಮುನ್ನ ಮುತ್ತನ್ನು ಎಣಿಸಲು ಇದೇ ಸರಿಯಾದ ಸಮಯ. ಹ್ಹಾ ಬೆಂಗಳೂರಲ್ಲಿ ಕನಿಷ್ಠ ತಾಪಮಾನ 13 ಡಿಗ್ರಿಗೆ ಇಳಿಯೋ ಸೂಚನೆ ಇದೆ ಎಂದು ಹವಾಮಾನ ವೀಕ್ಷಣಾಲಯದ ವರದಿ ಹೇಳಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more