ತಮ್ಮದೇ ಮೇಣದ ಪ್ರತಿಮೆ ಅನಾವರಣ ಸಮಾರಂಭಕ್ಕೆ ಅಮಿತಾಬ್‌

ಮುಂಬೈ : ಜಗತ್ತಿನ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಒಂದಾದ ಲಂಡನ್‌ನ ಮೇಡಂ ಥೌಸಾಡ್ಸ್‌ ಮೇಣದ ಪ್ರತಿಮೆಗಳ ಸಂಗ್ರಹಾಲಯದಲ್ಲಿ ಡಿಸೆಂಬರ್‌ 20ರಂದು ಭಾರತೀಯ ಚಿತ್ರರಂಗದ ಹೆಸರಾಂತ ತಾರೆ ಅಮಿತಾಬ್‌ ಬಚ್ಚನ್‌ ಅವರ ಪ್ರತಿಮೆ ಅನಾವರಣಗೊಳ್ಳಲಿದೆ.

ಪ್ರತಿವರ್ಷ ಜಗತ್ತಿನ ಪ್ರಮುಖ ವ್ಯಕ್ತಿಗಳ ಕೆಲವು ಪ್ರತಿಮೆಗಳನ್ನು ಅನಾವರಣಗೊಳಿಸುವ ಪರಿಪಾಠವಿಟ್ಟುಕೊಂಡಿರುವ ಮೇಡಂ ಥೌಸಾಡ್ಸ್‌ ಮ್ಯೂಸಿಯಂನಲ್ಲಿ , ಭಾರತದಿಂದ ಬಚ್ಚನ್‌ ಅವರ ಪ್ರತಿಮೆ ಈ ಭಾರಿ ಅನಾವರಣಗೊಳ್ಳಲಿದ್ದು, ಈ ಸಮಾರಂಭದಲ್ಲಿ ಸ್ವತಃ ಬಚ್ಚನ್‌ ಭಾಗವಹಿಸಲಿದ್ದಾರೆ. ಈ ಗೌರವಕ್ಕೆ ಪಾತ್ರರಾಗುತ್ತಿರುವ ಮೊದಲ ಭಾರತೀಯ ಚಲನಚಿತ್ರ ಕಲಾವಿದರಾಗಿರುವ ಅಮಿತಾಬ್‌ ಬಚ್ಚನ್‌, ತಮ್ಮ ಲಂಡನ್‌ ಅಭಿಮಾನಿಗಳಿಗೆ ದರ್ಶನ ನೀಡಲು ಹೆಚ್ಚುವರಿಯಾಗಿ 30 ನಿಮಿಷಗಳ ಕಾಲ ತಂಗಲು ಒಪ್ಪಿಕೊಂಡಿದ್ದಾರೆ.

ಸ್ಟಾರ್‌ಪ್ಲಸ್‌ನ ಜನಪ್ರಿಯ ಕೌನ್‌ ಬನೇಗಾ ಕ್ರೋರ್‌ಪತಿ ಕಾರ್ಯಕ್ರಮದ ಮೂಲಕ ದೂರದರ್ಶಗಳ ವೀಕ್ಷಕರ ರೇಟಿಂಗ್‌ ಪದ್ದತಿಗೆ ಹೊಸ ಭಾಷ್ಯ ಬರೆದ ಬಚ್ಚನ್‌ ಅವರ ಮೇಣದ ಪ್ರತಿಮೆ ಅನಾವರಣಗೊಳಿಸಲು ಮ್ಯೂಸಿಯಂನ ಆಡಳಿತ ಮಂಡಳಿ ಇತ್ತೀಚೆಗೆ ತೀರ್ಮಾನಿಸಿತ್ತು.

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...