4ನೇ ಒನ್ಡೇ : ಸರಣಿಯಲ್ಲೇ ಜಿಂಬಾಬ್ವೆಯ ಅತಿ ಕಡಿಮೆ ಸ್ಕೋರು
ಕಾನ್ಪುರ : ಇದು ಕ್ರಿಕೆಟ್ಟು ಸ್ವಾಮಿ, ಇಲ್ಲಿ ಏನು ಬೇಕಾದ್ರೂ ಆಗುತ್ತೆ ಅನ್ನೋ ಮಾತನ್ನು ಅಕ್ಷರಶಃ ನಿಜವಾಗಿಸಿದ್ದು ಗಂಗೂಲಿ ಬೌಲಿಂಗ್. ಫ್ಲಾವರ್ ಸಹೋದರರು ಹಾಗೂ ಕಾರ್ಲೈಲ್ರಂಥ ಫಾರ್ಮ್ನಲ್ಲಿರುವ ಜಿಂಬಾಬ್ವೆ ಆಟಗಾರರೇ ಗಂಗೂಲಿ ಚೆಂಡಿನ ಗತಿ- ದಿಕ್ಕು ಗುರ್ತಿಸುವಲ್ಲಿ ಸಂಪೂರ್ಣ ವಿಫಲರಾದರು. , 5 ವಿಕೆಟ್ ಕಬಳಿಸಿದ ಗಂಗೂಲಿ ಹಾಗೂ 4 ವಿಕೆಟ್ ಕಿತ್ತ ಅಜಿತ್ ಅಗರ್ಕರ್ ಜಿಂಬಾಬ್ವೆಯನ್ನು ಕೇವಲ 165 ರನ್ಗಳಿಗೆ ಕಟ್ಟಿ ಹಾಕಿದರು. ಭಾರತ- ಜಿಂಬಾಬ್ವೆ ಪೆಪ್ಸಿ ಕಪ್ ಕ್ರಿಕೆಟ್ ಸರಣಿಯ 4ನೇ ಒಂದು ದಿನದ ಪಂದ್ಯದ ಮೊದಲಾರ್ಧದ ಸಾರಾಂಶವಿದು.
ಈ ಟೂರ್ನಿಯಲ್ಲಿ ಮೊದಲ ಅವಕಾಶ ಗಿಟ್ಟಿಸಿದ ಮೆಡೋಂಡ ಜೊತೆಯಲ್ಲಿ ನಾಯಕ ಅಲಿಯಾಸ್ಟರ್ ಕ್ಯಾಂಪ್ಬೆಲ್ 16.4 ಓವರ್ಗಳಲ್ಲಿ ಮೊದಲ ವಿಕೆಟ್ಗೆ 61 ರನ್ ಕಲೆ ಹಾಕಿದರು. ನಂತರ ಬಂದವರಾರೂ ನೆಲ ಕಚ್ಚಿ ಆಡಲಿಲ್ಲ. ಹಿಂದಿನ ಪಂದ್ಯ ಉಳಿಸಿಕೊಟ್ಟಿದ್ದ ಫ್ಲಾವರ್ ಸಹೋದರರು ಸೇರಿದಂತೆ ಎಲ್ಲರೂ ಅಗ್ಗವಾಗಿ ಔಟಾದರು. ಪರಿಣಾಮ ಸರಣಿಯಲ್ಲಿ ಮೊದಲ ಬಾರಿಗೆ ಜಿಂಬಾಬ್ವೆ 200ರ ಗಡಿ ದಾಟಲಿಲ್ಲ.45.4 ಓವ-ರು-ಗ-ಳ-ಲ್ಲೇ 165 ರನ್-ಗ-ಳಿ-ಗೆ ಕುಸಿ-ಯಿ-ತು. ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಲು ಜಿಂಬಾಬ್ವೆ ನಿರ್ಧರಿಸಿದ್ದು ಸರಿಯಾದರೂ, ಬ್ಯಾಟಿಂಗ್ ಪಿಚ್ನಲ್ಲೂ ಅನಿರೀಕ್ಷಿತವಾಗಿ ವಿಫಲವಾಯಿತು.
ಕ್ಯಾಂಪ್ಬೆಲ್ ಹಾಗೂ ಮೆಡೋಂಡ (ತಲಾ 32 ರನ್) , ಕಾರ್ಲೈಲ್ (20) ಬಿಟ್ಟರೆ ಉಳಿದವರ್ಯಾರೂ 20ರ ಗಡಿ ದಾಟಲಿಲ್ಲ. ತಂಡದ ಥರ್ಡ್ ಹೈಯಸ್ಟ್ ಇತರೆ ರನ್, 21.
(ಇನ್ಫೋ ವಾರ್ತೆ)