ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ನಿಮ್ಮ ಮನಸ್ಸನ್ನು ಬೇಕೆಂದಾಗ ನೀವು ಬದಲಾಯಿಸಬಲ್ಲಿರಿ ಹಾಗೆಂದು ಹೋದಲ್ಲಿಗೆ ಮನಸ್ಸು ಹರಿಬಿಡಬೇಡಿ. ಆರ್ಥಿಕ ವಿಷಯದಲ್ಲಿ ನಿಮಗೆ ಜಯವಿದೆ. ನಂಬಿದವರೇ ಕೈಕೊಟ್ಟಾರು ಸ್ವಲ್ಪ ಜಾಗರೂಕರಾಗಿರಿ

ವೃಷಭ : ನೀವು ಕಣ್ಣಾರೆ ಕಂಡಿದ್ದೂ ಸುಳ್ಳಾದೀತು. ನಿಧಾನಿಸಿ ಯೋಚಿಸಿದರೆ ನಿಜ ತಿಳಿಯುತ್ತದೆ. ಕೋಪದಿಂದ ಕೊಯ್ದ ಮೂಗು ಮತ್ತೆ ಬರುವುದಿಲ್ಲ. ಸಮಾಧಾನವೇ ಪ್ರಧಾನ. ತಾಳ್ಮೆಕೆಟ್ಟರೆ ಕೇಡು.

ಮಿಥುನ : ನಿಮ್ಮ ಬದುಕಿನಲ್ಲಿ ಹೊಸ ಸಂಬಂಧ ಸೃಷ್ಟಿಯಾಗಲಿದೆ. ನಿಮ್ಮ ಒಂದೆರಡು ತಪ್ಪು ನಿರ್ಧಾರಗಳಿಂದ ಪಶ್ಚಾತ್ತಾಪ ಪಡಬೇಕಾದೀತು. ನಿರ್ಧಾರಕ್ಕೆ ಮೊದಲು ಸಾಧ್ಯಾಸಾಧ್ಯತೆಗಳ ಬಗ್ಗೆ ಚಿಂತನೆ ಮಾಡಿ.

ಕಟಕ : ಲಾಭದಾಯಕ ಮಜಲಿನ ಮೆಟ್ಟಿಲು ಏರುತ್ತಲಿದ್ದೀರಿ. ಜಯಿಸಿ ಬಿಟ್ಟೆ. ನನಗೆ ಇನ್ನಾರು ಸಾಟಿ ಎನ್ನದಿರಿ. ಮರಕ್ಕಿಂತ ಮರ ದೊಡ್ಡದಿರುತ್ತದೆ. ಸೃಷ್ಟಿಯ ಮುಂದೆ ನೀವು ಅತ್ಯಂತ ಕುಬ್ಜರು. ಇತರರ ಭವಿಷ್ಯದ ಬಗ್ಗೆ ಚಿಂತೆ ಬೇಡ. ನಿಮ್ಮ ಬಗ್ಗೆ ಯೋಚಿಸಿ.

ಸಿಂಹ : ಹೊರಗೆ ಮಂಜು ಸುರಿಯುತ್ತಿದೆ. ನಿಮ್ಮ ಮನಸ್ಸೂ ಮಂಜಿನಿಂದ ಮುಸುಕಿದಂತಾಗಿದೆ. ಬಿಸಿಲು ಬಿದ್ದು, ಮಂಜು ಕರಗಲು ಸಮಯ ಹಿಡಿಯುತ್ತದೆ. ಅಲ್ಲಿಯವರೆಗೆ ನೀವು ಹೆಚ್ಚು ಗೊಂದಲಕ್ಕೆ ಒಳಗಾಗದೇ ಸಹನೆಯಿಂದಿರಿ.

ಕನ್ಯಾ : ನೀವು ತೊಂದರೆಗೆ ಸಿಲುಕಿದ್ದೀರಿ. ಅದಕ್ಕೆ ನಿಮ್ಮ ಸುತ್ತಲಿನವರೇ ಕಾರಣ ಎಂಬುದು ನಿಮ್ಮ ಭಾವನೆ. ಸತ್ಯವೇ ಬೇರೆ. ನೀವೂ ಅದಕ್ಕೆ ಕಾರಣರು. ನಂಬಿಕೆ ದ್ರೋಹ ಮಾಡುವವರ ಬಗ್ಗೆ ಹುಷಾರಾಗಿದ್ದರೆ, ಜಯ ನಿಮ್ಮದೆ.

ತುಲಾ : ಎಲ್ಲವೂ ಇದೆ. ಎಲ್ಲವೂ ಇಲ್ಲ. ಈ ಸೃಷ್ಟಿಯೇ ಹಾಗೆ, ಹಲ್ಲಿದ್ದವರಿಗೆ ಕಡಲೆ ಸಿಗುವುದಿಲ್ಲ. ಕಡಲೆ ಇರುವವರ ಬಳಿ ಹಲ್ಲಿಲ್ಲ. ಅನವಶ್ಯಕ ಒತ್ತಡ ಬೇಡ. ಧನಲಾಭ ಇದೆ. ಪ್ರಯಾಣದಿಂದ ಸೌಭಾಗ್ಯ ದೊರಕಲಿದೆ.

ವೃಶ್ಚಿಕ : ಸಂಗಾತಿಯ ಆಗಮನದಿಂದ ಸಂತಸ ಇದೆ. ಊಟದ ಬಗ್ಗೆ ಎಚ್ಚರಿಕೆ ಇಲ್ಲದಿದ್ದರೆ, ರೋಗ ನಿಮ್ಮನ್ನು ಬಿಡದು. ನೀವು ರಹಸ್ಯ ಕಾಪಾಡಿಕೊಂಡಷ್ಟೂ ನಿಮಗೇ ಒಳಿತು. ಗುಟ್ಟು ಬಿಟ್ಟುಕೊಟ್ಟರೆ ನೀವೇ ಅಪಾಯಕ್ಕೆ ಆಹ್ವಾನ ಕೊಟ್ಟಂತೆ

ಧನಸ್ಸು : ಬಾಣದ ಮೊನಚು ಬಲು ಹರಿತ. ನಿಮ್ಮ ಮನಸ್ಸೂ ಇಂದು ಹಾಗೇ ಇದೆ. ಆದರೆ ನಾಲಿಗೆಗೆ ಕಡಿವಾಣ ಹಾಕಿ, ನೀವು ಮಾಮೂಲಿನ ಬದುಕಿಗೆ ಮರಳಲು ಇಂದು ಸೊಗಸಾದ ಅವಕಾಶ ಇದೆ. ಎಣ್ಣೆ ಬಂದಾಗ ಕಣ್ಣು ಮುಚ್ಚಿಕೊಳ್ಳದಿರಿ.

ಮಕರ : ಇಂದು ವಿಶ್ರಾಂತಿ ನಿಮಗೆ ತೀರಾ ಅಗತ್ಯ. ಹಲವು ವಿಷಯಗಳು ನಿಮ್ಮ ತಲೆ ತಿನ್ನುತ್ತಿವೆ. ಆಯ್ಕೆಯ ಗೊಂದಲವೂ ಮನಸ್ಸಿನಲ್ಲಿದೆ. ನೀವೀಗಾಗಲೇ ಬದಲಾವಣೆಯ ಹಾದಿಯಲ್ಲಿ ಸಾಕಷ್ಟು ಸಾಧಿಸಿದ್ದೀರಿ. ಮನಸ್ಸು - ಪರಿಸ್ಥಿತಿ ತಿಳಿಯಾಗುತ್ತದೆ.

ಕುಂಭ : ನಿಮಗೆ ಗೊತ್ತಿಲ್ಲದಿರುವುದೇ ಇಲ್ಲ. ಇದು ನಿಮ್ಮ ಮನದಂತರಾಳದ ಧ್ವನಿ. ಮುಂದೇನು ಎಂಬ ಗೊಂದಲವೂ ಇದೆ. ಏಕಾಂಗಿ ಹೋರಾಟದಲ್ಲಿ ನಿಮಗೇ ಜಯ. ಮುಂದಿನ ಹೆಜ್ಜೆಗಳ ಬಗ್ಗೆ ಚಿಂತನೆ ಅತ್ಯಗತ್ಯ. ಷೇರು ವ್ಯವಹಾರದಿಂದ ಲಾಭ ಮಾಡುತ್ತೀರಿ.

ಮೀನ : ವೃತ್ತಿಗೆ ಸಂಬಂಧಿಸಿದ ಮಹಾತ್ವಾಕಾಂಕ್ಷೆಗಳ ಜೊತೆ ಗುದ್ದಾಡಲೇ ಬೇಕು. ಭಾವನಾತ್ಮಕ ಮತ್ತು ಪ್ರಣಯೋತ್ತೇಜಕ ಪರಿಸ್ಥಿತಿ ನಿಮಗೆ ಅನುಕೂಲಕರವಾಗಿದೆ. ಭಾವನಾತ್ಮಕ ಸಂಬಂಧಗಳಿಗೆ ಬೆಲೆ ನೀಡಿ. ಕೆಲಸಕ್ಕೆ ಬಾರದ ಸಂಗತಿಗಳ ಬಗ್ಗೆ ತಲೆಕೆಡಿಸಿಕೊಳ್ಳಬೇಡಿ.