ಹೈಟೆಕ್‌ ಆಸ್ಪತ್ರೆಗೆ ಸರ್ಕಾರದಿಂದ ಜಮೀನು

ಮೈಸೂರು : ಜನರ ಸೇವೆಗಾಗಿ ಹೈಟೆಕ್‌ ಆಸ್ಪತ್ರೆ ಕಟ್ಟಲು 7 ಎಕರೆ ಜಾಗೆ ನೀಡುವಂತೆ ಅಮೃತಾನಂದಮಯಿ ಮಠ ಸರ್ಕಾರವನ್ನು ಕೋರಿದೆ ಎಂದು ಕಂದಾಯ ಸಚಿವ ಎಚ್‌.ಸಿ.ಶ್ರೀಕಂಠಯ್ಯ ಶುಕ್ರವಾರ ತಿಳಿಸಿದ್ದಾರೆ.

ಕೊಳಚೆ ಪ್ರದೇಶದಲ್ಲಿ ವಾಸಿಸುತ್ತಿರುವ ಜನರಿಗಾಗಿ ಮಠ ಹಮ್ಮಿಕೊಂಡಿರುವ ಗೃಹ ನಿರ್ಮಾಣ ಯೋಜನೆಗೆ ಅಡಿಗಲ್ಲು ಪೂಜೆ ಮಾಡಿ ಸಚಿವರು ಮಾತನಾಡುತ್ತಿದ್ದರು. 1000 ಮನೆಗಳನ್ನು ಮಠ ನಿರ್ಮಿಸಲು ಉದ್ದೇಶಿಸಿದ್ದು, ಪ್ರತಿ ಮನೆಗೆ 35 ಸಾವಿರ ರುಪಾಯಿ ಖರ್ಚಾಗಲಿದೆ. ಬೊಗಾಡಿಯಲ್ಲಿ 12 ಎಕರೆ ಪ್ರದೇಶದಲ್ಲಿ ಹೈಟೆಕ್‌ ಆಸ್ಪತ್ರೆಯಾಂದನ್ನು ಕಟ್ಟಲು ಮಠ ಉದ್ದೇಶಿಸಿದ್ದು, ಇದಕ್ಕಾಗಿ ಸರ್ಕಾರದಿಂದ 7 ಎಕರೆ ಜಾಗೆ ಕೇಳಿದೆ. ಸರ್ಕಾರ ಇದನ್ನು ನೀಡಲಿದ್ದು, ಉಳಿದ ಜಾಗೆಯನ್ನು ಖಾಸಗಿಯವರು ಮಠಕ್ಕೆ ದಾನವಾಗಿ ನೀಡಲಿದ್ದಾರೆ ಎಂದರು.

(ಯುಎನ್‌ಐ)