ಮಹಿಳಾ ಸಬಲೀಕರಣ ವರ್ಷವಾಗಿ 2001ನೇ ಇಸವಿ

ಬೆಂಗಳೂರು : ಬರಲಿರುವ 2001ನೇ ಇಸವಿಯನ್ನು ಮಹಿಳಾ ಸಬಲೀಕರಣ ವರ್ಷವನ್ನಾಗಿ ಘೋಷಿಸಿರುವ ಹಿನ್ನೆಲೆಯಲ್ಲಿ ಈ ವರ್ಷವನ್ನು ಮಹಿಳಾ ಸಬಲೀಕರಣ ಪರ್ವ ವನ್ನಾಗಿ ಆಚರಿಸಲು ಕೇಂದ್ರ ಸಮಾಜ ಮಂಡಲಿ ತೀರ್ಮಾನಿಸಿದೆ ಎಂದು ಕೇಂದ್ರ ಸಮಾಜ ಕಲ್ಯಾಣ ಮಂಡಲಿ ಅಧ್ಯಕ್ಷೆ ಮೃದುಲ್ಹಾ ಸಿನ್ಹಾ ಹೇಳಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ ಸಿನ್ಹಾ ಅವರು ಈ ನಿಟ್ಟಿನಲ್ಲಿ ಪ್ರತಿಯಾಂದು ರಾಜ್ಯದಲ್ಲಿ ಸಲಹಾ ಸಮಿತಿಗಳನ್ನು ರಚಿಸಲು ತೀರ್ಮಾನಿಸಲಾಗಿದೆ. ಜನವರಿ 11ರಿಂದ ಅಲಹಾ ಬಾದ್‌ನಲ್ಲಿ ನಡೆಯುವ ಕುಂಭ ಮೇಳದಲ್ಲಿ ಮಹಿಳೆಯರಿಗೆ ತಿಳುವಳಿಕೆ ನೀಡುವ ಕಾರ್ಯ ಆರಂಭವಾಗುತ್ತದೆ ಎಂದರು.

2000ನೇ ವರ್ಷವನ್ನು ವಿಕಾಸ ಪರ್ವವನ್ನಾಗಿಯೂ ಪರಿಗಣಿಸಿರುವುದರಿಂದ ಮಹಿಳೆಯರು, ಮಕ್ಕಳು ಮತ್ತು ನಿರ್ಗತಿಕ ವೃದ್ಧರಿಗಾಗಿ ಸ್ವಯಂ ಸೇವಾ ಸಂಸ್ಥೆಗಳ ಮೂಲಕ 1,200 ತೀರಾ ಹಿಂದುಳಿದ ಗ್ರಾಮಗಳಿಗೆ ಸಮಾಜ ಕಲ್ಯಾಣ ಮಂಡಲಿಯ ಕಾರ್ಯಕ್ರಮಗಳನ್ನು ತಲುಪಿಸುವ ಗುರಿ ಇಟ್ಟುಕೊಳ್ಳಲಾಗಿದೆ ಎಂದು ಮೃದುಲ್ಹಾ ಹೇಳಿದರು.

ಹಿರಿಯ ನಾಗರಿಕರಿಗಾಗಿ ಸಹಾಯವಾಣಿ ಯೋಜನೆ

ಮಕ್ಕಳ ಸಹಾಯವಾಣಿ ಯೋಜನೆಯ ಮಾದರಿಯಲ್ಲಿಯೇ ನಗರದಲ್ಲಿ ಹಿರಿಯ ನಾಗರಿಕರಿಗಾಗಿ ಸಹಾಯವಾಣಿಯನ್ನು ಆರಂಭಿಸಲಾಗುವುದು ಎಂದು ಅಪರಾಧ ವಿಭಾಗದ ಡಿಸಿಪಿ ರವೀಂದ್ರ ಪ್ರಸಾದ್‌ ತಿಳಿಸಿದ್ದಾರೆ.

ಸಹಾಯವಾಣಿ ಯೋಜನೆಯು ಸದ್ಯದಲ್ಲಿಯೇ ಜಾರಿಗೆ ಬರಲಿದ್ದು, ಹಿರಿಯ ನಾಗರಿಕರಿಗೆ ದೂರವಾಣಿ ಸಂಖ್ಯೆಯಾಂದನ್ನು ನೀಡಲಾಗುವುದು. ಅವರು ತಮಗೆ ಏನೇ ತೊಂದರೆಯಾದಲ್ಲಿ, ಈ ದೂರವಾಣಿಯನ್ನು ಸಂಪರ್ಕಿಸಬಹುದು ಎಂದು ಪ್ರಸಾದ್‌ ಹೇಳಿದರು.

(ಇನ್ಫೋವಾರ್ತೆ)