ಗುಲ್ಬರ್ಗಾ ಜಿಲ್ಲೆಯಲ್ಲಿ ಕಾಣಿಸಿಕೊಂಡ ಕರುಳುಬೇನೆ

ಗುಲ್ಬರ್ಗಾ : ಕಳೆದ ಎರಡು ದಿನಗಳಲ್ಲಿ ಜಿಲ್ಲೆಯ ಜೇವರ್ಗಿ ತಾಲ್ಲೂಕಿನಲ್ಲಿ 16 ಕರುಳುಬೇನೆ ಪ್ರಕರಣಗಳು ವರದಿಯಾಗಿವೆ ಎಂದು ಜಿಲ್ಲಾ ವೈದ್ಯಾಧಿಕಾರಿ ಡಾ.ಎಸ್‌.ವಿ. ಸುಂಕದ್‌ ತಿಳಿಸಿದ್ದಾರೆ.

ಸುಂಬಡ ಗ್ರಾಮದಿಂದ 6 ಹಾಗೂ ಕೋಣಸಿರಸಗಿ ಗ್ರಾಮದಿಂದ 10 ಪ್ರಕರಣಗಳು ವರದಿಯಾಗಿವೆ. ಡಾ.ಎಸ್‌.ಎಸ್‌. ಪಾಟೀಲ ನೇತೃತ್ವದ ವೈದ್ಯರ ತಂಡ ಕೋಣ ಸಿರಸಗಿ ಗ್ರಾಮಕ್ಕೆ ಭೇಟಿ ನೀಡಿ ತಪಾಸಣೆ ನಡೆಸಿತು. ಏಕಾಏಕಿ ಕರುಳುಬೇನೆ ಕಾಣಿಸಿಕೊಳ್ಳಲು ಕುಡಿಯುವ ನೀರಿನಲ್ಲಾದ ಬದಲಾವಣೆಯೇ ಕಾರಣ ಎನ್ನಲಾಗಿದೆ. ಸುಂಬಡ ಗ್ರಾಮದ ಕಿರು ನೀರು ಸರಬರಾಜು ಯೋಜನೆಯ ಮೋಟಾರ್‌ ಸುಟ್ಟ ಕಾರಣ, ಸ್ಥಳೀಯ ಬಾವಿಯಾಂದರ ನೀರನ್ನು ಗ್ರಾಮಸ್ಥರು ಬಳಸಿದ್ದರು. ಪ್ರಸ್ತುತ ಮೋಟಾರನ್ನು ದುರಸ್ತಿಪಡಿಸಿದ್ದು , ನೀರು ಸರಬರಾಜು ಯಥಾ ಸ್ಥಿತಿಯಲ್ಲಿದೆ.

(ಇನ್ಫೋ ವಾರ್ತೆ)