• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಬೆಂಗಳೂರು ವಿಧಾನ ಸೌಧದ ಪಕ್ಕದಲ್ಲೊಂದು ವಿಧಾನಸೌಧ

By Staff
|

ಬೆಂಗಳೂರು : ಕೆಂಗಲ್‌ ಹನುಮಂತಯ್ಯನವರು ಕಟ್ಟಿಸಿದ ಬೆಂಗಳೂರಿನ ಭವ್ಯ ಆಡಳಿತ ಸೌಧ ವಿಧಾನಸೌಧದ ಪಕ್ಕದಲ್ಲೇ ಮತ್ತೊಂದು ವಿಧಾನಸೌಧ ಇನ್ನು ಮೂರು ವರ್ಷದಲ್ಲೇ ತಲೆ ಎತ್ತಲಿದೆ. ಸರ್ಕಾರಿ ಮುದ್ರಣಾಲಯದ ಜಾಗದಲ್ಲಿ ಮತ್ತೊಂದು ವಿಧಾನಸೌಧ ನಿರ್ಮಾಣ ಮಾಡಲು ಶುಕ್ರವಾರ ಸಚಿವ ಸಂಪುಟ ಸಮ್ಮತಿ ನೀಡಿದೆ.

ಸುಮಾರು 3 ಎಕರೆ ಪ್ರದೇಶದಲ್ಲಿ 100 ಕೋಟಿ ರುಪಾಯಿಗಳ ವೆಚ್ಚದಲ್ಲಿ ತಲೆಎತ್ತಲಿರುವ ಈ ಭವ್ಯಬಂಗಲೆಗೆ ವಿಧಾನಸೌಧದ ದಕ್ಷಿಣ ವಿಭಾಗ ಎಂದು ನಾಮಕರಣ ಮಾಡಲಾಗುವುದು. ಈ ಹೊಸ ವಿಧಾನಸೌಧಕ್ಕೆ ಸಚಿವರ ಕಚೇರಿಗಳೆಲ್ಲಾ ವರ್ಗವಾಗುತ್ತವೆ. ಮುಂಬರುವ ಜನವರಿಯಲ್ಲಿ ಈ ಕಟ್ಟಡ ನಿರ್ಮಾಣ ಕಾಮಗಾರಿ ಆರಂಭವಾಗಲಿದ್ದು, ಮೂರು ವರ್ಷದ ಅವಧಿಯಾಳಗೆ ಸಂಪೂರ್ಣಗೊಳ್ಳಲಿದೆ. ಈ ಸೌಧದ ಕೆಳಗೆ ನೆಲಮಾಳಿಗೆ ನಿರ್ಮಿಸಿ 150ಕ್ಕೂ ಹೆಚ್ಚು ಕಾರುಗಳ ನಿಲುಗಡೆಗೆ ಅವಕಾಶ ಕಲ್ಪಿಸಲಾಗುತ್ತದೆ. ಶ್ರೀಸಾಮಾನ್ಯರ ಅನುಕೂಲಕ್ಕಾಗಿ ಸಬ್‌ವೇಗಳನ್ನು ನಿರ್ಮಿಸುವ ಯೋಜನೆಯೂ ಇದರಲ್ಲಿದೆ.

ಲೋಕೋಪಯೋಗಿ ಸಚಿವರಾದ ಧರ್ಮಸಿಂಗ್‌ ಅವರು, ಉದ್ದೇಶಿತ ಈ ವಿಧಾನಸೌಧದ ನಿರ್ಮಾಣದ ಕುರಿತು ತಮ್ಮ ಇಲಾಖೆ ರೂಪಿಸಿರುವ ಯೋಜನೆಗಳ ಮಾದರಿಯನ್ನು ಸಚಿವ ಸಂಪುಟ ಸಭೆಯಲ್ಲಿ ವಿಡಿಯೋ ಮೂಲಕ ಪ್ರದರ್ಶಿಸಿದರು.

ವಾಸ್ತು : ಇತ್ತೀಚಿನ ದಿನಗಳಲ್ಲಿ ಮುಖ್ಯಮಂತ್ರಿಗಳಿಂದ ಹಿಡಿದು ಎಲ್ಲ ಸಚಿವರಿಗೂ ವಾಸ್ತು ಇರುವ ಕೊಠಡಿಗಳೇ ಬೇಕಾಗಿರುವ ಕಾರಣ ಹೊಸ ಕಟ್ಟಡದಲ್ಲಿ ಸಚಿವರುಗಳ ಕೊಠಡಿಗಳನ್ನು ವಾಸ್ತು ಪ್ರಕಾರವಾಗಿ ನಿರ್ಮಾಣ ಮಾಡಲಾಗುತ್ತದೆ ಎಂದು ಲೋಕೋಪಯೋಗಿ ಇಲಾಖೆಯ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

ಇದರಿಂದಾಗಿ ವಾಸ್ತುವಿಗಾಗಿ ಸಚಿವರು ಮಾಡುತ್ತಿದ್ದ ಅನಾವಶ್ಯಕ ವೆಚ್ಚವನ್ನು ಕಡಿಮೆ ಮಾಡಬಹುದಾಗಿದೆ ಎಂದು ಅವರು ಹೇಳಿದರು. ಹೊಸ ವಿಧಾನಸೌಧ ಹೈಟೆಕ್‌ ತಂತ್ರಜ್ಞಾನಕ್ಕೆ ಅಗತ್ಯವಾದ ಸೌಲಭ್ಯಗಳನ್ನೂ ಒಳಗೊಂಡಿರುತ್ತದೆ ಎಂದೂ ಅವರು ಹೇಳಿದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more