ವೀರಪ್ಪನ್‌ ಶಿಕಾರಿಗೆ ಇಂಡೋ- ಟಿಬೆಟಿಯನ್‌ ಗಡಿ ಪೊಲೀಸ್‌

ನವದೆಹಲಿ : ವೀರಪ್ಪನ್‌ನನ್ನು ಸೆರೆ ಹಿಡಿಯಲು ಉಭಯ ಸರ್ಕಾರಗಳ ನೆರವಿಗೆ ಇಂಡೋ- ಟಿಬೆಟಿಯನ್‌ ಗಡಿ ಪೊಲೀಸ್‌ (ಐಟಿಬಿಪಿ) ಧಾವಿಸಲಿದೆ.

ಕರ್ನಾಟಕದ ಮುಖ್ಯಮಂತ್ರಿ ಎಸ್‌.ಎಂ. ಕೃಷ್ಣ ಹಾಗೂ ಗೃಹ ಸಚಿವ ಮಲ್ಲಿಕಾರ್ಜುನ ಖರ್ಗೆ ಅವರ ಮನವಿಗೆ ಕೇಂದ್ರ ಸರ್ಕಾರ ಸ್ಪಂದಿಸಿದೆ. ಆದರೆ ಈ ಹಿಂದೆ ವೀರಪ್ಪನ್‌ ಬಂಧಿಸುವಲ್ಲಿ ವಿಫಲವಾಗಿರುವ ಗಡಿ ಭದ್ರತಾ ಪಡೆ (ಬಿಎಸ್‌ಎಫ್‌) ಯನ್ನು ಕಳಿಸಲು ಕೇಂದ್ರ ಸರ್ಕಾರ ಮನಸ್ಸು ಮಾಡಿಲ್ಲ. ಬದಲಿಗೆ ಅಂತಿಮ ಕ್ಷಣದ ಪ್ರಹಾರದಲ್ಲಿ ರಾಷ್ಟ್ರೀಯ ಭದ್ರತಾ ದಳ (ಎನ್‌ಎಸ್‌ಜಿ) ವನ್ನು ಕಳುಹಿಸುವ ಭರವಸೆಯನ್ನು ಕೇಂದ್ರ ಸರ್ಕಾರ ನೀಡಿದೆ.

ಕೃಷ್ಣ ಹಾಗೂ ಖರ್ಗೆ ಅವರು ಪ್ರಧಾನಿ ಎ.ಬಿ.ವಾಜಪೇಯಿ, ಕೇಂದ್ರ ಗೃಹ ಸಚಿವ ಎಲ್‌.ಕೆ.ಅಡ್ವಾಣಿ ಹಾಗೂ ರಕ್ಷಣಾ ಸಚಿವ ಜಾರ್ಜ್‌ ಫರ್ನಾಂಡಿಸ್‌ ಜೊತೆ 2 ದಿನಗಳ ಕಾಲ ನಡೆಸಿರುವ ಚರ್ಚೆ ‘ಆಪರೇಷನ್‌ ವೀರಪ್ಪನ್‌’ಗೆ ಕೇಂದ್ರದ ನೆರವನ್ನು ದಕ್ಕಿಸಿಕೊಟ್ಟಿದೆ. ಆದರೆ ಕಾರ್ಯತಂತ್ರ ರೂಪಿಸುವುದು ಉಭಯ ರಾಜ್ಯಗಳಿಗೆ ಬಿಟ್ಟಿದ್ದು ಎಂದು ಹೇಳಿ ಕೇಂದ್ರ ಸರ್ಕಾರ ವೀರಪ್ಪನ್‌ ಬಂಧನದ ಸಂಪೂರ್ಣ ಜವಾಬ್ದಾರಿಯಿಂದ ನುಣುಚಿಕೊಂಡಿದೆ.

(ಇನ್ಫೋ ವಾರ್ತೆ)

ಮುಖಪುಟ / ವೀರಪ್ಪನ್‌ ಶಿಕಾರಿ