ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಮಂಡ್ಯದಲ್ಲಿ ಶಾರ್ಟ್ ಕೋರ್ಸ್ ಈಜು ಪಂದ್ಯಾಟ
ಮಂಡ್ಯ : ಡಿಸೆಂಬರ್ 14 ರಿಂದ 16 ರವರೆಗೆ ಇಲ್ಲಿನ ಪಿಇಟಿ ಈಜು ಕೇಂದ್ರದಲ್ಲಿ ಶಾರ್ಟ್ ಕೋರ್ಸ್ ಈಜು ಸ್ಪರ್ಧೆ ನಡೆಯಲಿದೆ. ಇದು ಮಂಡ್ಯ ನಗರದಲ್ಲಿ ನಡೆಯುತ್ತಿರುವ ಮೊದಲ ರಾಜ್ಯಮಟ್ಟದ ಈಜು ಸ್ಪರ್ಧೆ ಎನ್ನಿಸಿದೆ.
ಈವರೆಗೆ ಬೆಂಗಳೂರಿಗೆ ಮಾತ್ರ ಸೀಮಿತವಾಗಿದ್ದ ಈಜು ಸ್ಪರ್ಧೆಯನ್ನು ಮಂಡ್ಯ ನಗರಕ್ಕೆ ತರುವ ಸಾಹಸಕ್ಕೆ ಕೈ ಹಾಕಿರುವುದು ಪಿಇಟಿ ಈಜು ಕೇಂದ್ರ. ಸಂಸ್ಥೆಯ ಕಾರ್ಯದರ್ಶಿ ವಿಜಯ ರಾಘವನ್ ಅವರು ಸ್ಪರ್ಧೆಯ ಬಗೆಗಿನ ವಿವರಗಳನ್ನು ಮಾಧ್ಯಮ ಗೋಷ್ಠಿಯಲ್ಲಿ ಭಾನುವಾರ ತಿಳಿಸಿದರು.
ವಯೋಮಿತಿಯ ಆಧಾರದ ಸ್ಪರ್ಧೆಯನ್ನು ನಾಲ್ಕು ಗುಂಪುಗಳಲ್ಲಿ ನಡೆಸಲಾಗುವುದು. ರಾಜ್ಯದ ವಿವಿಧೆಡೆಗಳಿಂದ 400 ಕ್ಕೂ ಹೆಚ್ಚು ಈಜುಪಟುಗಳು ಸ್ಪರ್ಧೆಯಲ್ಲಿ ಭಾಗವಹಿಸುವ ನಿರೀಕ್ಷೆಯಿದೆ. ಸ್ಪರ್ಧೆ ನಡೆಸಲು ಸಕಲ ಸಿದ್ಧತೆಗಳನ್ನೂ ಪಿಇಟಿ ಈಜು ಕೇಂದ್ರ ನಡೆಸಿದೆ ಎಂದು ವಿಜಯರಾಘವನ್ ಹೇಳಿದರು. ಆಸಕ್ತರು ಹೆಚ್ಚಿನ ವಿವರಗಳಿಗೆ ಮಂಡ್ಯದ ಪಿಇಟಿ ಈಜು ಕೇಂದ್ರವನ್ನು ಸಂಪರ್ಕಿಸಬಹುದು.
(ಇನ್ಫೋ ವಾರ್ತೆ)
Comments
Story first published: Monday, November 27, 2000, 5:30 [IST]