ಕ್ರೀಡಾಭಿವೃದ್ಧಿಗೆ ಸದ್ಯದಲ್ಲೇ ರಾಷ್ಟ್ರೀಯ ಕ್ರೀಡಾ ನೀತಿ- ಉಮಾ ಭಾರತಿ

ನವದೆಹಲಿ : ಯುವ ಕ್ರೀಡಾ ಪಟುಗಳ ಬೆನ್ನು ತಟ್ಟಲು ಹಾಗೂ ತರಬೇತುದಾರರಲ್ಲಿ ವೃತ್ತಿಪರತೆ ಹೆಚ್ಚಿಸಲು ಹೊಸ ರಾಷ್ಟ್ರೀಯ ಕ್ರೀಡಾ ನೀತಿ ರೂಪಿಸಲಾಗುತ್ತಿದೆ ಎಂದು ಕೇಂದ್ರ ಕ್ರೀಡಾ ಮತ್ತು ಯುವಜನ ಖಾತೆ ಸಚಿವೆ ಉಮಾ ಭಾರತಿ ಸೋಮವಾರ ಲೋಕಸಭೆಯಲ್ಲಿ ತಿಳಿಸಿದ್ದಾರೆ.

ಹೊಸ ಕ್ರೀಡಾ ನೀತಿಯ ರಚನಾ ಪ್ರಕ್ರಿಯೆ ಈಗಾಗಲೇ ಜಾರಿಯಲ್ಲಿದ್ದು, ಐಓಯು ಮತ್ತು ಭಾರತ ಕ್ರೀಡಾ ಪ್ರಾಧಿಕಾರದ ಜೊತೆ ಇದರ ಬಗೆಗೆ ಚರ್ಚಿಸಲಾಗುತ್ತಿದೆ. ಯುವ ಕ್ರೀಡಾ ಚತುರರಿಗೆ ಮೇಲೆ ಬರಲು ತಕ್ಕ ಪ್ರೋತ್ಸಾಹ ನೀಡುವುದು, ತರಬೇತುದಾರರಲ್ಲಿ ವೃತ್ತಿಪರತೆಯನ್ನು ಹೆಚ್ಚಿಸುವುದು ಹೊಸ ನೀತಿಯ ಉದ್ದೇಶವಾಗಿದೆ ಎಂದು ಸಚಿವರು ಹೇಳಿದ್ದಾರೆ.

(ಇನ್ಫೋ ವಾರ್ತೆ)