ಸಿಲಿಂಡರ್‌ ಅಳವಡಿಸಿದ್ದ ಕಾರಿಗೆ ಬೆಂಕಿ

ಬೆಂಗಳೂರು : ಗ್ಯಾಸ್‌ ಸಿಲಿಂಡರ್‌ ಅಳವಡಿಸಲಾಗಿದ್ದ ಕಾರೊಂದು ಸ್ಫೋಟಿಸಿರುವ ಘಟನೆ ನಗರದಲ್ಲಿ ನಡೆದಿದೆ. ಬಳ್ಳಾರಿ ರಸ್ತೆಯಲ್ಲಿರುವ ಬ್ಯಾಟರಾಯನಪುರದ ಮನೆಯ ಸಮೀಪ ನಿಲ್ಲಿಸಲಾಗಿದ್ದ ಕಾರಿನಲ್ಲಿ ನಡೆದ ಈ ಸ್ಫೋಟಕ್ಕೆ ಕಾರಣ ಏನೂ ಎಂದು ತಿಳಿದುಬಂದಿಲ್ಲ.

ಸ್ಫೋಟಗೊಂಡ ಕಾರು ಮಲ್ಲೇಶ್ವರದ ಚಾರ್ಟರ್ಡ್‌ ಅಕೌಂಟೆಂಟ್‌ ಸುಬ್ರಮಣಿ ಎಂಬುವವರಿಗೆ ಸೇರಿದ್ದು, ಚಾಲಕ ರವಿ ಎನ್ನುವವರು ರಾತ್ರಿ ಕಾರನ್ನು ಮನೆಯ ಬಳಿ ನಿಲ್ಲಿಸಿದ್ದಾಗ, ಮಧ್ಯರಾತ್ರಿ 1 ಗಂಟೆಯ ಸಮಯದಲ್ಲಿ ಭಾರಿ ಸ್ಫೋಟದ ಮೂಲಕ ಕಾರಿಗೆ ಬೆಂಕಿ ಹತ್ತಿಕೊಂಡಿತ್ತು. ಗ್ಯಾಸ್‌ ಸಿಲಿಂಡರ್‌ ದೂರದಲ್ಲಿ ಬಿದ್ದಿತ್ತು. ಅಗ್ನಿ ಶಾಮಕ ಹಾಗೂ ಪೊಲೀಸರು ಘಟನೆಯ ಸ್ಥಳಕ್ಕೆ ಭೇಟಿ ಕೊಟ್ಟಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.