ಜಿಮ್‌: 50 ಯೋಜನೆಗಳಿಗೆ ಮಾಲಿನ್ಯ ನಿಯಂತ್ರಣಮಂಡಳಿ ಒಪ್ಪಿಗೆ

ಬೆಂಗಳೂರು : 27 ಸಾವಿರ ಕೋಟಿ ರೂಪಾಯಿ ಬಂಡವಾಳದ 254 ಯೋಜನೆಗಳಿಗೆ ವಿಶ್ವ ಬಂಡವಾಳ ಹೂಡಿಕೆದಾರರ ಸಮ್ಮೇಳನದಲ್ಲಿ ರಾಜ್ಯ ಸರಕಾರ ಒಪ್ಪಿಗೆ ನೀಡಿದ್ದರೂ, ಅವುಗಳಲ್ಲಿ 50 ಯೋಜನೆಗಳನ್ನು ಮಾತ್ರ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಅಂಗೀಕರಿಸಿದೆ.

ಬಂಡವಾಳ ಹೂಡಿಕೆದಾರರ ಸಮಸ್ಯೆಗಳ ಕುರಿತಂತೆ ಗಮನ ಹರಿಸಲು ಉನ್ನತ ಮಟ್ಟದ ಸಮಿತಿಯಾಂದನ್ನು ರಚಿಸುವ ಅಗತ್ಯವಿದ್ದರೂ ರಾಜ್ಯ ಸರಕಾರ ನಿಧಾನಿಸಿದೆ. ಇದರಿಂದಾಗಿ ಸರಕಾರ ಸಾರ್ವಜನಿಕ ಘನತೆಯನ್ನು ಕಳೆದುಕೊಳ್ಳುತ್ತದೆ ಎಂದು ಸಂಸ್ಥೆಯ ಕಾರ್ಯದರ್ಶಿ ಎಂ.ಸಿ. ಶಾಂತ ಮೂರ್ತಿ ಹೇಳಿದರು.

ಸರಕಾರದ ಈ ನಿಧಾನಗತಿಗೆ ರಾಜ್‌ ಅಪಹರಣವೂ ಒಂದು ಕಾರಣವಾಗಿರಬಹುದು. ಆದರೆ ಇನ್ನಾದರೂ ಸರಕಾರ ಬಂಡವಾಳ ಹೂಡಿಕೆದಾರರ ಕಡೆಗೆ ಗಮನ ಹರಿಸಬೇಕು. ಅಲ್ಲದೆ 27 ಸಾವಿರ ಕೋಟಿ ರೂಪಾಯಿ ಬಂಡವಾಳದಲ್ಲಿ ಶೇ 75ರಷ್ಟು ಭಾಗ ಬೆಂಗಳೂರು , ಮೈಸೂರು, ಧಾರವಾಡ ಮತ್ತು ಬೆಳಗಾಂ ಜಿಲ್ಲೆಗಳಲ್ಲಿ ಹಂಚಿ ಹೋಗುತ್ತದೆ. ಶಿವಮೊಗ್ಗಾ, ಬಾಗಲಕೋಟೆ, ಚಾಮರಾಜ ನಗರ ಮತ್ತು ಕೊಪ್ಪಳ , ಗದಗ ಜಿಲ್ಲೆಗಳಲ್ಲಿ ಯಾವುದೇ ಕೈಗಾರಿಕೆಗಳನ್ನು ಸ್ಥಾಪಿಸುವ ವಿಷಯ ಯೋಜನೆಯಲ್ಲಿಲ್ಲ. ಈ ಕುರಿತೂ ಸರಕಾರ ಗಮನ ವಹಿಸಬೇಕಾಗಿದೆ ಎಂದು ಶಾಂತ ಮೂರ್ತಿ ಹೇಳಿದು.

(ಇನ್ಫೋ ವಾರ್ತೆ)