ಹಠ ಬಿಟ್ಟು ವಿಚಾರಣೆಗೆ ಹಾಜರಾದ ಅಜಯ್‌ ಶರ್ಮ

ನವದೆಹಲಿ : ಸಿಬಿಐ ವರದಿಯನ್ನು ತಾನು ಓದೇ ಇಲ್ಲ, ಚೆನ್ನೈಗೆ ಹೋಗಲು ಆರೋಗ್ಯ ಸರಿಯಿಲ್ಲ ಹೀಗೆ ದಿನಕ್ಕೊಂದು ಮಾತನಾಡಿ ಬಿಸಿಸಿಐ ವಿಶೇಷ ಆಯುಕ್ತ ಮಾಧವನ್‌ ಮುಂದೆ ವಿಚಾರಣೆಗೆ ಹಾಜರಾಗದ ದೆಹಲಿಯ ಮಾಜಿ ನಾಯಕ ಅಜಯ್‌ ಶರ್ಮ ಶನಿವಾರ ತಮ್ಮ ಹಠಬಿಟ್ಟು 4 ಗಂಟೆಗಳ ಕಾಲ ಮಾಧವನ್‌ ಅವರ ಪ್ರಶ್ನೆಗಳಿಗೆ ಉತ್ತರ ನೀಡಿದ್ದಾರೆ.

ಅನೇಕ ಬುಕ್ಕಿಗಳ ಜೊತೆ ಗಳಸ್ಯ ಕಂಠಸ್ಯನಾಗಿರುವ ಅಜಯ್‌ ಶರ್ಮ ಸಾಕಷ್ಟು ಆಟಗಾರರನ್ನು ಅವರಿಗೆ ಪರಿಚಯಿಸಿಕೊಟ್ಟಿದ್ದಾನೆ ಎಂದು ಸಿಬಿಐನ ಮ್ಯಾಚ್‌ಫಿಕ್ಸಿಂಗ್‌ ವರದಿ ಹೇಳಿರುವ ಹಿನ್ನೆಲೆಯಲ್ಲಿ ಮಾಧವನ್‌ ಅವರನ್ನು ಪ್ರಶ್ನಿಸಿದರು. ಶರ್ಮ ವಿಚಾರಣೆಯಿಂದ ಸಿಬಿಐ ಹೆಸರಿಸಿರುವ ಎಲ್ಲಾ ಐವರು ಕ್ರಿಕೆಟಿಗರ ವಿಚಾರಣೆ ಮುಗಿದಿದ್ದು, ನವೆಂಬರ್‌ 25ರಂದು ಮಾಧವನ್‌ ಬಿಸಿಸಿಐಗೆ ತಮ್ಮ ವರದಿ ಸಲ್ಲಿಸಲಿದ್ದಾರೆ. ನಂತರ ಆರೋಪಿಗಳವಿರುದ್ಧ ಯಾವ ಕ್ರಮ ಕೈಗೊಳ್ಳಬೇಕೆಂಬುದನ್ನು ಮಂಡಳಿ ನಿರ್ಧರಿಸಲಿದೆ.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಆಟದ ಅಂಗಳ