ಕಾಂಗ್ರೆಸ್‌ ಪಕ್ಷದ ಅಧ್ಯಕ್ಷೆಯಾಗಿ ಸೋನಿಯಾ ಗಾಂಧಿ ಪುನರಾಯ್ಕೆ

ನವದೆಹಲಿ : ತಮ್ಮ ಏಕೈಕ ಪ್ರತಿಸ್ಪರ್ಧಿ ಜಿತೇಂದ್ರ ಪ್ರಸಾದ ಅವರನ್ನು ಅಜಗಜಾಂತರ ಮತಗಳಿಂದ ಸೋಲಿಸಿರುವ ಸೋನಿಯಾಗಾಂಧಿ ಕಾಂಗ್ರೆಸ್‌ ಅಧ್ಯಕ್ಷರಾಗಿ ಪುನರಾಯ್ಕೆಯಾಗಿದ್ದಾರೆ.

ಗಣನೆಗೆ ಯೋಗ್ಯವಾಗಿದ್ದ 7542 ಮತಗಳ ಪೈಕಿ 7448 ಮತಗಳು ಸೋನಿಯಾ ಅವರಿಗೆ ಸಂದಿವೆ. ಜಿತೇಂದ್ರ ಪ್ರಸಾದ ಕೇವಲ 94 ಮತಗಳನ್ನು ಗಿಟ್ಟಿಸಿದ್ದಾರೆ. ಜಿತೇಂದ್ರ ಪ್ರಸಾದ ಪಡೆದಿರುವ ಮತಗಳಿಗಿಂತ ಕುಲಗೆಟ್ಟ ಮತಗಳ ಸಂಖ್ಯೆಯೇ ಹೆಚ್ಚು (229). ಇನ್ನೂ ಎಣಿಕೆ ಪೂರ್ತಿ ಮುಗಿಯುವ ಮುನ್ನವೇ ಸೋನಿಯಾರಿಗೇ ಜಯ ಎಂದು ನಿರ್ಧರಿಸಿದ್ದ ಕಾಂಗ್ರೆಸ್‌ ಕಾಯಕರ್ತರು ವಿಜಯೋತ್ಸವ ಆಚರಿಸಿದರು.

(ಯುಎನ್‌ಐ)