ಗಲ್ಫ್‌ನಲ್ಲಿ ನೌಕರಿ ಬೇಕಾ ?

ಧಾರವಾಡ : ವಂಚನೆ ಪ್ರಕರಣ ಒಂದಕ್ಕೆ ಸಂಬಂಧಿಸಿದಂತೆ ಇಲ್ಲಿನ ಜಿಲ್ಲಾ ಗ್ರಾಹಕ ವೇದಿಕೆ ಅರ್ಜಿದಾರರಾದ ಅಬ್ದುಲ್‌ ಕರೀಂ ಅದೋನಿ ಅವರಿಗೆ 60 ಸಾವಿರ ಪರಿಹಾರ ನೀಡುವಂತೆ ಬೆಳಗಾವಿಯ ರಾಯಲ್‌ ಮ್ಯಾನ್‌ಪವರ್‌ ಕನ್ಸಲ್ಟೆಂಟ್‌ನ ನಜೀರ್‌ ಅಹ್ಮದ್‌ ಅವರಿಗೆ ಆದೇಶಿಸಿದೆ.

ನಡೆದದ್ದು ಇಷ್ಟು : ಗಲ್ಫ್‌ನಲ್ಲಿ ತಮಗೊಂದು ಉದ್ಯೋಗ ಕೊಡಿಸುವಂತೆ ಕೋರಿ ಅದೋನಿ ನಜೀರ್‌ ಅಹ್ಮದ್‌ ಅವರಿಗೆ 56 ಸಾವಿರ ರುಪಾಯಿಗಳನ್ನು ನೀಡಿದ್ದರು. ಆದರೆ, ಅದೋನಿ ಅವರಿಗೆ ಕೆಲಸ ಸಿಕ್ಕಿದ್ದು ಮಸ್ಕಾಟ್‌ನಲ್ಲಿ. ಹೋಗಲಿ ಅಲ್ಲಾದರೂ ಕೆಲಸ ಸಿಕ್ಕಿತಲ್ಲಾ ಎಂದುಕೊಂಡರೆ, 6 ತಿಂಗಳಿಗೆ ಅದೋನಿ ಅವರನ್ನು ಕೆಲಸದಿಂದ ವಜಾ ಮಾಡಲಾಯಿತು. ಇದರಿಂದ ಕೆಲಸ ದೊರಕಿಸಿ ಕೊಡಲು ಹಣಪಡೆದಿದ್ದ ನಜೀರ್‌ ಅಹ್ಮದ್‌ ಮೇಲೆ ಕುಪಿತರಾದ ಅದೋನಿ ಜಿಲ್ಲಾ ಗ್ರಾಹಕ ವೇದಿಕೆಗೆ ದೂರು ಸಲ್ಲಿಸಿದರು.

ಈ ಇಬ್ಬರ ವಾದ ವಿವಾದವನ್ನು ಆಲಿಸಿದ ಗ್ರಾಹಕ ವೇದಿಕೆ ಶೇಕಡಾ 12ರ ಬಡ್ಡಿ ದರದಲ್ಲಿ 60 ಸಾವಿರ ರುಪಾಯಿ ಪರಿಹಾರವನ್ನು ನೀಡುವಂತೆ ಕನ್ಸಲ್ಟೆಂಟ್‌ಗೆ ಆದೇಶಿಸಿದೆ. (ಯು.ಎನ್‌.ಐ)