ವಿಶ್ವ ಶೇಕ್ಸ್‌ಪಿಯರ್‌ ಸಮ್ಮೇಳನಕ್ಕೆ ರಾಜ್ಯ ಪ್ರತಿನಿಧಿ

ಮೈಸೂರು: ಇಂಗ್ಲಿಷ್‌ ಸಾಹಿತ್ಯ ಕ್ಷೇತ್ರದ ದಿಗ್ಗಜ ಮಹಾಕವಿ ಶೇಕ್ಸ್‌ಪಿಯರ್‌ ಕುರಿತ ಜಾಗತಿಕ ಸಮ್ಮೇಳನ ಡಿಸೆಂಬರ್‌ 3ರಿಂದ 6ರವರೆಗೆ ಮೂರು ದಿನಗಳ ಕಾಲ ಕಲ್ಕತ್ತಾದಲ್ಲಿ ಜರುಗಲಿದೆ. ಈ ಸಮ್ಮೇಳನದಲ್ಲಿ ಅಧಿಕೃತ ಪ್ರತಿನಿಧಿಯಾಗಿ ಮೈಸೂರು ವಿಶ್ವವಿದ್ಯಾಲಯದ ಮಹಾರಾಜಾ ಕಾಲೇಜಿನ ಇಂಗ್ಲಿಷ್‌ ವಿಭಾಗದ ಮುಖ್ಯಸ್ಥರಾದ ಪ್ರೊ. ಕೆ.ಎಸ್‌. ಭಗವಾನ್‌ ಪಾಲ್ಗೊಳ್ಳುತ್ತಿದ್ದಾರೆ.

ಶೇಕ್ಸ್‌ಪಿಯರ್‌ ಸೊಸೈಟಿ ಆಫ್‌ ಇಂಡಿಯಾ ಸಂಸ್ಥೆಯು ಬಿ.ಬಿ.ಸಿ. ಸಹಯೋಗದಲ್ಲಿ ಈ ಜಾಗತಿಕ ಸಮ್ಮೇಳನವನ್ನು ಆಯೋಜಿಸಿದೆ. ಈ ಸಮ್ಮೇಳನದಲ್ಲಿ ಪಾಲ್ಗೊಳ್ಳಲು ಜಗತ್ತಿನಾದ್ಯಂತ ಇರುವ ಶೇಕ್ಸ್‌ಪಿಯರ್‌ ಹಾಗೂ ಆತನ ಕೃತಿಗಳ ಸಮಗ್ರ ಅಧ್ಯಯನ ಮಾಡಿರುವ ವಿದ್ವಾಂಸರು, ವಿಮರ್ಶಕರು, ರಂಗ ನಿರ್ದೇಶಕರು, ಶೇಕ್ಸ್‌ಪಿಯರ್‌ ನಾಟಕಗಳಲ್ಲಿ ಅಭಿನಯಿಸಿದ ಕಲಾವಿದರು ಪಾಲ್ಗೊಳ್ಳುತ್ತಿದ್ದಾರೆ.