• search

ಮಾನ್ಯ ಬುಷ್‌ ಅವರೆ, ಸ್ವಲ್ಪ ತಾಳಿ

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    *ದಿನೇಶ್‌ ಡಿಸೋಜಾ

    George Dubya BushAl Goreವಾಷಿಂಗ್ಟನ್‌ : ಪರಸ್ಪರ ವಿರೋಧಿ ಅಭಿಪ್ರಾಯಗಳನ್ನಿಟ್ಟುಕೊಂಡಿರುವ ವಿವಿಧ ಪಕ್ಷಗಳ ಅಭ್ಯರ್ಥಿಗಳು ಕಣದಲ್ಲಿದ್ದಾಗ ಮಾತ್ರ ಇಂಥ ಗೊಂದಲಗಳು ಸಾಧ್ಯ! ಏಕೆಂದರೆ ಯಾರನ್ನು ಯಾವ ಕಾರಣಕ್ಕೆ ಆರಿಸಬೇಕು? ಯಾವ ಅಭ್ಯರ್ಥಿ ಆರಿಸಿದರೆ ತಮ್ಮ ವರ್ಗದ ಸಹಾಯಕ್ಕೆ ಬರುತ್ತಾನೆ? ಆತ ಗೆದ್ದಮೇಲೆ ತಮ್ಮ ಕೈ ಹಿಡಿಯುತ್ತಾನೆ ಎಂಬ ಖಾತರಿ ಏನು? ಈ ಬಗ್ಗೆ ವಿವರ, ವಿಶ್ಲೇಶಣೆ ನೀಡುವವರು ಯಾರು? ಎಂಬ ಗೊಂದಲದಲ್ಲಿ ಇವತ್ತು ಅಮೆರಿಕದ ಭಾರತೀಯರಿದ್ದಾರೆ.

    ಅಮೆರಿಕದಲ್ಲಿ ಅಧ್ಯಕ್ಷರ ಚನಾವಣೆ ಸಮರದ ಕಾವು ಏರುತ್ತಿದೆ. ಟೆಕ್ಸಾಸ್‌ ಸೇರಿದಂತೆ ಕೆಲವು ಪ್ರಾಂತ್ಯಗಳಲ್ಲಿ ಹೆಚ್ಚಾಗಿರುವ ಭಾರತೀಯ ಮತದಾರರ ಒಲವು ಗಳಿಸಿಲು ಹುರಿಯಾಳುಗಳು ಶತಾಯಗತಾಯ ಯತ್ನಿಸುತ್ತಿದ್ದಾರೆ. ಡೆಮಾಕ್ರೆಟಿಕ್‌ ಪಕ್ಷದಂತೆ ರಿಪಬ್ಲಿಕನ್‌ ಪಕ್ಷದವರೂ ಅನೇಕ ತಂತ್ರಗಳ ಮೂಲಕ ಮತದಾರರ ಬಾಗಿಲು ತಟ್ಟುತ್ತಿದ್ದಾರೆ.

    ಇಟಾಲಿಯನ್‌ ಮತ್ತು ಕ್ಯೂಬನ್‌- ಅಮೆರಿಕನರಂತೆ ಇಲ್ಲಿನ ಭಾರತೀಯರೂ ಕೂಡ ಯಾವ ಅಭ್ಯರ್ಥಿಗೆ ಮತ ಹಾಕಿದರೆ ತಮ್ಮ ದೇಶಕ್ಕೆ ಉಪಯೋಗವಾದೀತು ಎಂದು ಯೋಚಿಸುತ್ತಿದ್ದಾರೆ. ಇಂಥ ಸಂದರ್ಭದಲ್ಲಿ ಅಮೆರಿಕದ ಭಾರತೀಯರು ರಿಪಬ್ಲಿಕನ್‌ ಪಕ್ಷದ ಜಾರ್ಜ್‌ ದುಬ್ಯಾ ಬುಷ್‌ ಅವರನ್ನು ಬೆಂಬಲಿಸಬೇಕೆಂದು ನನ್ನ ನಿಲುವು.

    ಅಭಿವೃದ್ಧಿಯ ಬೀಜಮಂತ್ರ : ಅಮೆರಿಕದ ಇತಿಹಾಸದಲ್ಲಿ ಅಭ್ಯರ್ಥಿಗಳ ವ್ಯಕ್ತಿಗತ ಹಿನ್ನಲೆ, ವರ್ಚಸ್ಸಿಗಿಂತ ವಿಷಯಾಧಾರಿತವಾಗಿ ಮತದಾರ ಯೋಚಿಸುವುದು ಹೆಚ್ಚು. ಹಾಗಾಗಿ ಇದು ಕ್ಲಿಂಟನ್‌, ಗೋರ್‌ ಅಥವಾ ಬುಷ್‌ ಅವರ ವರ್ಚಸ್ಸು, ಖ್ಯಾತಿ ಏನನ್ನೂ ಅವಲಂಬಿಸಿಲ್ಲ. ಅಭಿವೃದ್ಧಿಯನ್ನು ನಿರಂತರವಾಗಿ ಕಾಯ್ದುಕೊಂಡು ಬರುವ ಹುರಿಯಾಳು ಯಾರು ಎಂಬುದರ ಕಡೆಗೆ ಅಮೆರಿಕನ್ನರ ನಿಗಾ ಹೆಚ್ಚು.

    ಜೀವನ ಮಟ್ಟ ನಿರಂತರವಾಗಿ ಹೆಚ್ಚಾಗುತ್ತಿರಬೇಕೆಂಬ ಬಗ್ಗೆ ಬುಷ್‌ ಅಭಿಪ್ರಾಯ ಭಿನ್ನವಾದುದು. ಅವರ ಪ್ರಕಾರ ಸಾಮಾಜಿಕ ಮತ್ತು ನಾಗರಿಕ ಸಂಬಂಧಗಳ ವೃದ್ಧಿಯ ಜೊತೆ ಅಭಿವೃದ್ಧಿ ಸಾಗಬೇಕು. ಅದಕ್ಕಾಗಿ ಹೊಸ ಸೂರಿನಡಿ ಅಮೆರಿಕನ್ನರು ಒಂದಾಗಬೇಕು.

    ಜನರು ತಮ್ಮ ಸಾಮಾಜಿಕ ಭದ್ರತೆಯ ಕೊಡುಗೆಯನ್ನು ಷೇರು ಮಾರುಕಟ್ಟೆಯಲ್ಲಿ ತೊಡಗಿಸಲು ಅವಕಾಶ ನೀಡಬೇಕು ಎಂದು ಬುಷ್‌ ಸಲಹೆ ಮಾಡಿದ್ದಾರೆ. ಇದನ್ನು ಒಪ್ಪದ ಗೋರ್‌, ಹಿರಿಯರ ಸಾಮಾಜಿಕ ಭದ್ರತೆ ವಿಷಯವನ್ನು ಬುಷ್‌ ಲಘುವಾಗಿ ಪರಿಗಣಿಸಿದ್ದಾರೆ ಎಂದು ಆರೋಪಿಸಿದ್ದಾರೆ. ಹೆಚ್ಚುವರಿ ಹಣವನ್ನು (surplus) ಸಾರ್ವಜನಿಕರಿಗೆ ತೆರಿಗೆ ಭಾರ ಕಡಿಮೆ ಮಾಡುವ ಮೂಲಕ ವಾಪಸ್‌ ನೀಡಬೇಕೆಂಬ ಗೋರ್‌ ಗುಂಪಿನ ವಾದವನ್ನು ಬುಷ್‌ ಬಹಿರಂಗವಾಗಿ ವಿರೋಧಿಸಿದ್ದಾರೆ. ಬುಷ್‌ ಅವರು ಹೆಚ್ಚುವರಿ ಹಣವನ್ನು ಷೇರುಮಾರುಕಟ್ಟೆಯಲ್ಲಿ ತೊಡಗಿಸಬೇಕೆಂದು ಹೇಳುವ ಸಾಹಸ ತೋರಿದ್ದಾರೆ. ನಿವೃತ್ತಿ ನಂತರದ ಹಣವನ್ನು ಷೇರುಮಾರುಕಟ್ಟೆಯಲ್ಲಿ ತೊಡಗಿಸುವುದು ಬಹಳ ಕಠಿಣ ಯೋಜನೆ ಎಂಬುದು ಗೋರ್‌ ಅಭಿಪ್ರಾಯ. ಇದನ್ನು ಬುಷ್‌ ಸಮರ್ಥಿಸುವ ರೀತಿಯಂತೆ ಷೇರು ಮಾರುಕಟ್ಟೆಯಲ್ಲಿ ಹಣ ತೊಡಗಿಸುವುದರಿಂದ ನಿವೃತ್ತರು ತಮ್ಮ ಆದಾಯದ ಮೂಲವನ್ನು ನಿರಂತರವಾಗಿರಿಸಿಕೊಳ್ಳಲು ಅನುಕೂಲವಾಗುತ್ತದೆ. ಇದರಿಂದ ಯುವಜನರ ಮೇಲಿನ ಭಾರ ಕಡಿಮೆಯಾಗುತ್ತದೆ ಎನ್ನುವ ವಾದಗಳಿಗೆ ಬಿರುಸಿನ ಪ್ರಚಾರ ಸಿಗುತ್ತಿದೆ. ಹೆಚ್ಚು-ಕಡಿಮೆ ಚುನಾವಣೆಯಲ್ಲಿ ಇದೇ ಪ್ರಮುಖ ವಿಷಯವಾಗುವ ಸಂಭವವಿದೆ.

    ಸಾಮಾಜಿಕ ಭದ್ರತೆ ಮತ್ತು ಆರೋಗ್ಯ ಕುರಿತ ವಿಷಯಗಳ ಮೇಲಿನ ವಿಭಿನ್ನ ಅಭಿಪ್ರಾಯಗಳು ಮತದಾರರನ್ನು ಗೊಂದಲಕ್ಕೆ ತಳ್ಳುವಂತೆ ಕಾಣುತ್ತಿವೆ. ಇನ್ನೂ ಕೆಲವು ವಿಶ್ಲೇಷಕರ ಪ್ರಕಾರ ಈ ಮೇಲಿನ ಎರಡೂ ವಿಷಯಗಳಿಗೆ ಹೆಚ್ಚುವರಿ ಹಣವನ್ನು ಕೇಂದ್ರ ಸರಕಾರ ಭದ್ರತಾ ನಿಧಿಯನ್ನಾಗಿ ಉಪಯೋಗಿಸಬೇಕೆಂಬ ಮಾತುಗಳೂ ಕೇಳಿಬರುತ್ತಿವೆ. ಎಲ್ಲಕ್ಕೂ ಉತ್ತರ ಚುನಾವಣೆ ಮಾತ್ರ.

    ಮುಖಪುಟ / ಲೋಕೋಭಿನ್ನರುಚಿ

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more